शहरासह ग्रामीण भागातही वाढते शहरीकरण, लोकसंख्या, औद्योगिकरण, दळणवळणाच्या सुविधा यामुळे बदलणारा चेहरा, त्यातून कायदा व सुव्यवस्थेच्या दृष्टिने निर्माण होणाऱ्या अडचणी यावर मात करण्यासाठी नाशिक परीक्षेत्राचे विशेष पोलीस महानिरीक्षक व्ही. के. चौबे यांच्या मार्गदर्शनाखाली नाशिक ग्रामीण पोलीसांनी ‘प्रतिसाद अ‍ॅप’ तयार केले आहे.
नाशिक जिल्हा पोलीस अधिक्षक संजय मोहिते यांच्या सहकार्याने महिला, मुली तसेच शाळा व महाविद्यालयातील विद्यार्थी, विद्यार्थीनी, ज्येष्ठ नागरिक यांना संकटसमयी तातडीने पोलिसांची मदत मिळावी या उद्देशाने हे अ‍ॅप तयार करण्यात आले आहे. हे अ‍ॅप डाऊनलोड केल्यास आपली प्राथमिक माहिती विचारली जाईल. यामध्ये नाव, वय, पत्ता, रक्तगट, भ्रमणध्वनी क्रमांक व ओळखपत्र विचारले जाईल. ही माहिती भरल्यानंतर संकटसमयी असतांना आपली माहिती ज्या सक्षम नातेवाईकांना कळविणे गरजेचे आहे त्याचे नाव, भ्रमणध्वनी क्रमांकही भरावा लागणार आहे. ही संपूर्ण माहिती भरल्यानंतर नाव नोंदणी होईल. त्यानंतर ‘इमर्जन्सी’ नावाची कळ भ्रमणध्वनीवर दिसू लागेल. ज्यावेळी आपण संकटात असाल त्यावेळी ही कळ दाबल्यास तुम्ही धोक्यात असल्याची माहिती पोलिीसांना मिळेल. तसेच ती माहिती आपल्या नातेवाईकासही मिळेल. शिवाय ज्या परिसरात तुम्ही आहात त्या ठिकाणची माहिती पोलिसांना देत प्रत्यक्ष कामास सुरूवात होईल.
या सेवेसाठी भ्रमणध्वनी, इंटरनेट व जीपीएस या सुविधा आवश्यक आहेत. ज्या नागरिकांना अ‍ॅप डाऊनलोड करण्यात अडचणी येऊ शकतात त्यांनी जवळच्या पोलीस ठाण्यात जाऊन मदत घ्यावी, असे आवाहन अधिक्षक संजय मोहिते यांनी केले आहे.
वाढती गु्न्हेगारी आणि प्रामुख्याने महिलांची होणारी छेडछाड, लूटमार यांसारखे प्रकार रोखण्यासाठी हे अ‍ॅप मदतशील ठरणार आहे.

There is a possibility of a code of conduct for the upcoming Lok Sabha elections
पिंपरी: आचारसंहितेच्या शक्यतेने राजकारण्यांप्रमाणेच प्रशासकांचीही धावपळ; तब्बल ‘इतक्या’ कोटींच्या कामांना मंजुरी
Buldhana, Minor Girl, sexually Tortured, Case Registered, female friend,
बुलढाणा : अल्पवयीन मुलीला डांबून दहा दिवस अत्याचार; मैत्रिणीनेच दिला दगा….
mumbai ban on slum demolition marathi news, slums mumbai marathi news
झोपडपट्टी पुनर्विकासात परवानगीविना अतिरिक्त झोपड्या तोडण्यावर बंदी, नव्या परिपत्रकामुळे झोपडीवासीयांना दिलासा
March 2024 Monthly Horoscope in Marathi
March 2024 Monthly Horoscope : मार्च महिन्यात या तीन राशींचे बदलणार नशीब? वैवाहिक जीवन, करिअर अन् आर्थिक लाभ; ज्योतिषशास्त्र काय सांगते…