जुन्या नाशिक भागातील तांबट गल्लीत एक तीन मजली जीर्ण वाडा कोसळला. इमारतीच्या ढिगाऱ्याखाली एका तरूणाचा मृत्यू झाला तर चार जणांना बाहेर काढण्यात बचाव पथकाला यश आले. आज दुपारी एकच्या सुमारास ही घटना घडली. घटनेची माहिती मिळताच बचावपथकाने धाव घटनास्थळी धाव घेतली. सुरूवातीला त्यांनी एका रहिवाशाला अत्यवस्थ अवस्थेत बाहेर काढले. अग्निशामक दलाचे चार बंब आणि १० ते १५ कर्मचारी बचावकार्यासाठी आले होते.

तांबट गल्लीत एक तीन मजली जुना जीर्ण झालेला वाडा आहे. आज दुपारी एकच्या सुमारास अचानक या वाड्याचे दोन मजले जमीनदोस्त झाले. इमारतीच्या ढिगाऱ्याखाली ४ ते ५ लोक अडकल्याची भीती व्यक्त करण्यात आली होती.