25 September 2020

News Flash

नाशिकचे चित्रकार सावंत बंधूंना थायलंडमधील पारितोषिक

२ ऑक्टोबर रोजी बँकॉक येथे गौरविण्यात येणाऱ्या चित्रकारांची कार्यशाळा होणार आहे.

थायलंडमधील पुरस्कारासाठी निवड झालेले नाशिक येथील चित्रकार राजेश सावंत तसेच प्रफुल्ल सावंत यांनी चितारलेली चित्रे.

जागतिक पातळीवर चित्रकला क्षेत्रात नाशिकचे नाव उंचाविणारे राजेश व प्रफुल्ल या सावंत बंधूंना थायलंडचे पारितोषिक जाहीर झाले आहे. इंटरनॅशनल वॉटरकलर सोसायटी ऑफ थायलंड या जागतिक कला संस्थेतर्फे बानसिलापीन येथे १ ऑक्टोबर रोजी आयोजित हुआहीन ब्लुपोर्ट वॉटरकलर आर्ट्स प्रदर्शनात चित्रकार सावंत बंधूंना सन्मानित करण्यात येणार आहे.

राजेश सावंत यांनी इटलीमध्ये जलरंग माध्यमात ऑन दि स्पॉट चित्रित केलेल्या ‘ग्रॅण्ड कॅनाल ऑफ व्हेनिस’ या निसर्गचित्राची या पारितोषिकासाठी निवड केली आहे. ज्या चित्रकारांनी जागतिक स्तरावर जलरंगाच्या चित्रणात आजपर्यंत सातत्याने उल्लेखनीय कामगिरी केली आहे अशा विविध देशांतील निवडक २० चित्रकारांना विशेष सन्मानाने गौरविण्यात येणार आहे. त्यात प्रफुल्ल सावंत यांचा समावेश आहे.

२ ऑक्टोबर रोजी बँकॉक येथे गौरविण्यात येणाऱ्या चित्रकारांची कार्यशाळा होणार आहे. त्यात प्रफुल्ल सावंत जलरंगातील चित्रकलेचे धडे देणार आहेत.

तसेच कोह कलोक या ठिकाणचे निसर्गसौंदर्य चित्रबद्ध करण्याची संधी आयोजकांकडून चित्रकार सावंत बंधूंना देण्यात आली आहे. प्रदर्शनात ५० देशांच्या उत्कृष्ट २०० चित्रकृती सादर होणार आहेत. सावंत बंधूंच्या एकूण चार चित्रकृती प्रदर्शित करण्यात येणार असून प्रदर्शनाच्या जागतिक पुस्तिकेतही त्यांच्या चित्रांना स्थान देण्यात येणार आहे. सावंत बंधूंना चित्रकलेसाठी आजपर्यंत ४९ आंतरराष्ट्रीय पारितोषिके प्राप्त झाली आहेत.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 26, 2016 1:06 am

Web Title: rajesh sawant and prafull sawant paintings in thailand
Next Stories
1 काही शक्तींच्या डावापासून मराठा, दलितांनी सावध राहावे
2 नाशिकमध्ये विराट मराठा क्रांती मूक मोर्चा
3 मराठा मूक मोर्चाच्या समारोपात मुलींनी शेतकऱ्यांच्या व्यथा मांडल्या
Just Now!
X