News Flash

मालेगाव येथे कार अपघातात तीन जण ठार

टायर पंक्चर झाल्याने कार वरील नियंत्रण सुटले आणि अपघात झाला

कारवरील नियंत्रण सुटल्याने अपघात झाला

मालेगाव सटाणा रस्त्यावरीलआराई फाट्याजवळ आज (दि.२३) दुपारी झालेल्या अपघातात तीन जण ठार झाले. भरधाव वेगाने जाणारी कार झाडावर आदळल्याने हा अपघात घडला. देवळा येथील सेवानिवृत्त मुख्याध्यापक रामराव आहेर (वय ६५), विजय जाधव (वय ६८, रा.सातमाने) व गौरी निकम (वय १३,) रा.आघार) अशी मृतांची नावे आहेत. आहेर हे तालुक्यातील आघार येथे नातेवाईकांकडे आले होते.

नातेवाईकांना भेटल्यानंतर ते आपले व्याही गोविंद जाधव व नात गौरी यांना घेऊन कारने सटाण्याकडे निघाले असता दुपारी १२.४५ वाजेदरम्यान टायर पंक्चर झाल्याने नियंत्रण सुटलेली कार एका झाडावर आदळली. त्यात वाहनचालक आहेर हे जागीच ठार झाले. तर गौरी व विजय जाधव हे गंभीर जखमी झाले.  अपघातानंतर रस्त्याने जाणारे नागरिक व शेतात वास्तव्यास असलेले आसपासचे रहिवासी मदतीला धाऊन आले. त्यांनी दोन्ही जखमींना तातडीने मालेगाव येथे उपचारासाठी रवाना केले. परंतु उपचारापूर्वीच वाटेत त्यांचेही निधन झाले. सटाणा पोलीस स्टेशनच्या अधिकाऱ्यांनी घटनास्थळाची पाहणी केली आहे. पोलीस पुढील तपास करत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 23, 2017 7:33 pm

Web Title: satana accident three died nashik
Next Stories
1 महिलांकडून दारू दुकानाची तोडफोड
2 सटाण्यात संतप्त महिलांकडून देशी दारूच्या दुकानाची जाळपोळ
3 लोकांनी दारू प्यायची किंवा नाही हे न्यायालय कसे ठरवणार- संजय राऊत
Just Now!
X