शहराजवळील दारणा नदीत बुडून दोन मुलांचा मृत्यू झाल्याची घटना रविवारी सकाळी घडली. या प्रकरणी देवळाली कॅम्प पोलीस ठाण्यात नोंद करण्यात आली आहे. वंजारवाडी येथील ईश्वर भाऊसाहेब शिंदे (१०), समाधान प्रकाश शिंदे (११) हे दोघे जण सकाळी १० वाजता म्हैस धुण्यासाठी दारणा नदीपात्रात गेले होते. त्यावेळी दोघांनीही नदीत पोहण्याचा आनंद घेण्याचे ठरविले. पाण्याच्या खोलीचा अंदाज न आल्याने पोहताना दोघे बुडाल्याची माहिती पोलिसांनी दिली.
