अमळनेर तालुक्यातील पेट्रोलपंपावर लुटीचा थरार; दोघांविरुद्ध गुन्हा दाखल

अमळनेर-धुळे रस्त्यावरील डांगर शिवारातील पांडुरंग पेट्रोलपंपावर गुरुवारी मध्यरात्रीनंतर सव्वाबाराच्या सुमारास एकजण आला. त्याने बंदुकीचा धाक दाखवून सुमारे ३६ हजार ५०० रुपये लुटले. पेट्रोलपंपावर कर्मचारी किशोर पाटील आणि नरेंद्र पवार हे होते. यावेळी काळ्या रंगाच्या रुमाल बांधलेला अनोळखी व्यक्ती आला. त्याने कर्मचार्‍यांना झोपेतून उठविले. त्याच्याजवळ असलेल्या बंदुकीचा धाक दाखवून त्यांच्याकडे असलेले पेट्रोल-डिझेल विक्रीचे पैसे हिसकावून घेतले. याच वेळी मोटारीत डिझेल भरण्यासाठी एकजण पंपावर आला. लुटारूने त्याच्या मोटारीच्या डिक्कीला लाथा मारत चालकास बाहेर येण्यास भाग पाडले. त्यालाही बंदुकीचा धाक दाखवीत मारहाण केली. त्याच्याजवळील पाकीटही हिसकाविले. रस्त्यावर त्याचा साथीदार दुचाकीसह उभा होता. ते दोघेही दुचाकीवरून धुळ्याकडे पसार झाले.

आणखी वाचा

शारीरिक संबंधांना खेळ म्हणून मान्यता, ‘या’ देशात होणार पहिली सेक्स चॅम्पियनशिप

संजय राऊत ‘त्या’ खासदाराचं नाव घेताच ‘ऑन कॅमेरा’ थुंकले, शरद पवार स्पष्टच म्हणाले, “मी…”

मुंबईतील जिमचे मालक ते ‘चिकन लेग पीस’ अशी खास ओळख; सोशल मीडिया स्टार उल्हास कामठे आहेत तरी कोण?

“सेक्स चॅम्पियनशिपला भारताचं रुलबुक..” शारीरिक संबंधांची स्पर्धा जाहीर होताच ‘या’ ट्विट्सची चर्चा, तुम्हाला पटलं का?

https://www.loksatta.com/wp-content/uploads/2023/03/WhatsApp-Video-2023-03-24-at-6.47.59-PM.mp4

हेही वाचा – नाशिक: जिल्ह्यात करोना रुग्णसंख्येत वाढ – एकाच दिवसात १८ जण संक्रमित

हेही वाचा – जळगाव: राज्यभरात ७ हजार ८९१ चिमण्यांची नोंद; निसर्गमित्र संस्थेच्या ऑनलाइन गणना मोहिमेस उत्स्फूर्त प्रतिसाद

पंपावरील कर्मचारी नरेंद्र पवारकडून १३ हजार २०० रुपये, किशोर पाटील याच्याकडून १४ हजार ३०० आणि मोटारमध्ये डिझेल टाकण्यासाठी आलेले संजय भामरे यांच्याकडून नऊ हजार रुपये, असा सुमारे ३६ हजार ५०० रुपये या दोन्ही लुटारूंनी बंदुकीचा धाक दाखवून लांबविले. घटनेची माहिती मिळताच पोलीस अधीक्षक एम. राजकुमार, अपर पोलीस अधीक्षक रमेश चोपडे, उपविभागीय पोलीस अधिकारी राकेश जाधव, पोलीस निरीक्षक विजय शिंदे, उपनिरीक्षक विकास शिरोळे यांच्यासह कर्मचार्‍यांनी धाव घेत माहिती घेतली. याबाबत कर्मचारी नरेंद्र पवार याने दिलेल्या फिर्यादीवरून अमळनेर येथील पोलीस ठाण्यात अज्ञात दोनजणांविरुद्ध गुन्हा दाखल करण्यात आला आहे. उपनिरीक्षक विकास शिरोळे तपास करीत आहेत.