नाशिक: लव्ह जिहाद विरोधी कायद्यासाठी हिंदु संघटनांच्यावतीने काढण्यात आला मूक मोर्चा|a silent march was held behalf hindu organizations for anti love jihad act in nashik | Loksatta

लव्ह जिहाद विरोधी कायद्यासाठी हिंदू संघटनांचा नाशिकमध्ये मूक मोर्चा

लव्ह जिहादची समस्या गंभीर रूप धारण करीत असल्यामुळे देशात लव्ह जिहाद विरोधी कायदा तसेच धर्मांतर विरोधी कायदा लागू करावा, या मागणीसाठी सकल हिंदू समाजाने आक्रमक पवित्रा घेतला आहे.

लव्ह जिहाद विरोधी कायद्यासाठी हिंदू संघटनांचा नाशिकमध्ये मूक मोर्चा
लव्ह जिहाद विरोधी कायद्यासाठी हिंदू संघटनांचा नाशिकमध्ये मूक मोर्चा

लव्ह जिहाद विरोधी कायदा तात्काळ करावा आणि धर्मांतर विरोधी कायदाही लागू करावा, दिल्ली सारखी घटना रोखण्यासाठी केंद्र व राज्य सरकारने पुढाकार घ्यावा, या मागणीसाठी हिंदू संघटनांच्यावतीने सोमवारी शहरात मूक मोर्चा काढण्यात आला.दिल्लीच नव्हे तर, राज्यात लव्ह जिहादची समस्या गंभीर रूप धारण करीत असल्यामुळे देशात लव्ह जिहाद विरोधी कायदा तसेच धर्मांतर विरोधी कायदा लागू करावा, या मागणीसाठी सकल हिंदू समाजाने आक्रमक पवित्रा घेतला आहे.

या पार्श्वभूमीवर, वरद लक्ष्मी लॉन्स येथे सकल हिंदू समाजाच्यावतीने व्यापक बैठक झाली. त्यात बी. डी. भालेकर मैदानावरून मूक मोर्चा काढण्याचा निर्णय घेण्यात आला. त्यानुसार सोमवारी सकाळी मोर्चा काढण्यात आला. मोर्चात महिलांची संख्या मोठ्या प्रमाणावर होती.
धर्मांतर बंदी कायदा राज्यासह देशभरात लागू करावा, श्रद्धा वालकरच्या मारेकऱ्याला फाशीची शिक्षा द्यावी, गोवंश हत्या बंदी कायद्याची कठोर अंमलबजावणी करावी, छत्रपती शिवाजी महाराजांचा अवमान करणाऱ्या प्रत्येक व्यक्तीवर, संघटनेवर, राजकीय पक्षांवर कारवाई करावी, अशा आशयाच्या मागण्या करण्यात आल्या.

मराठीतील सर्व नाशिक / उत्तर महाराष्ट्र ( Nashik ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 28-11-2022 at 13:04 IST
Next Story
नाशिक: व्यापारी संकुलांचे वाहनतळ गडप, वर्दळीच्या काळात अवजड वाहने रस्त्यांवर