नाशिक – सातपूर येथील शासकीय औद्योगिक प्रशिक्षण संस्थेत २०१७-१८ या काळातील खरेदी प्रक्रियेत अनियमितता आणि तंत्र प्रदर्शन स्पर्धेच्या आयोजनावेळी बनावट देयके सादर करुन सुमारे २० लाखांच्या शासकीय निधीचा अपहार केल्या प्रकरणी लाचलुचपत प्रतिबंधक विभागाने संस्थेचे तत्कालीन प्रभारी प्राचार्य सुभाष कदम यांच्याविरुध्द भ्रष्टाचार प्रतिबंधक अधिनियमान्वये गुन्हा दाखल केला आहे.

याबाबत लाचलुचपत प्रतिबंधक विभागाच्या अपअधीक्षक वैशाली पाटील यांनी तक्रार दिली. सातपूर येथील शासकीय औद्योगिक प्रशिक्षण केंद्रात २०१७ ते २०१८ आणि २३ मार्च ते ३० मार्च २०१८ या कालावधीत हा प्रकार घडल्याचे तक्रारीत म्हटले आहे. संस्थेचे प्रभारी प्राचार्य सुभाष कदम यांनी पदाचा गैरवापर करून मनमानी कारभार केल्याचे चौकशीत निष्पन्न झाले. औद्योगिक प्रशिक्षण संस्थेसाठी जेईएम पोर्टलवरून खरेदी प्रक्रियेदरम्यान मागणी केलेल्या साहित्याचे पुरवठादार गेटवे सिस्टीमचे संचालक रोशन बधान आणि गोकुळ पूरकर यांनी निश्चित झालेल्या निकषानुसार साहित्याचा पुरवठा केलेला नसताना हे साहित्य त्यांनी केंद्रासाठी घेतले. पुरवठादारांशी संगनमत केले. तसाच प्रकार २०१७ मध्ये आयोजित तंत्र प्रदर्शन स्पर्धेवेळी घडला. या प्रदर्शनाचे नियमानुसार आयोजन केले गेले नाही. बनावट देयके सादर केली गेली. त्यात भोजनासह अन्य देयकांचाही समावेश आहे. या दोन्ही प्रकारात एकूण १९ लाख ५० हजार ६८२ रुपयांच्या शासकीय निधीचा स्वत:च्या फायद्यासाठी दुरुपयोग केला गेला. शासनाची फसवणूक व बनावटीकरण करून शासकीय निधीचा गैरवापर व अपहार केल्याचे तक्रारीत म्हटले आहे. या प्रकरणी संस्थेचे तत्कालीन प्रभारी प्राचार्य कदम यांच्याविरुध्द भ्रष्टाचार प्रतिबंधक अधिनियमासह, फसवणूक व विविध कलमांद्वारे सातपूर पोलीस ठाण्यात गुन्हा दाखल करण्यात आला आहे.

pooja khedkar ias marathi, pooja khedkar ias,
पूजा खेडकर यांची अनेक विभागांतील प्रशिक्षणाला दांडी, प्रशिक्षण घेतलेल्या ठिकाणी गैरवर्तन केल्याचे विभागप्रमुखांचे अहवाल
Barty awarded contracts to institutes with no experience in JEE and NEET exam coaching Nagpur
‘जेईई’,‘नीट’चा अनुभव नसणाऱ्या संस्थांना विनानिविदा कंत्राट; ‘बार्टी’च्या संस्था निवडीच्या…
Crime against the wife of then Deputy Director of Education case of accumulation of unaccounted assets
पुणे : तत्कालीन शिक्षण उपसंचालकासह पत्नीवर गुन्हा, बेहिशेबी मालमत्ता जमविल्याचे प्रकरण
TISS Tata Institute of Social Science dismissed over 100 employees why decision was reversed
TISS मध्ये १०० कर्मचाऱ्यांच्या नोकरकपातीचा निर्णय अखेर मागे; नावाजलेल्या शैक्षणिक संस्थेत नेमकं काय चाललंय?
Dont take sin of closing distillery project of Bidri factory says Former President Dinkarrao Jadhav
‘बिद्री’ कारखान्याचा डिस्टलरी प्रकल्प बंद पाडण्याचे पाप माथी घेऊ नका; माजी अध्यक्ष दिनकरराव जाधव यांचे भावनिक आवाहन
Mumbai, air pollution, traffic,
मुंबई : रहदारीमुळे होणारे वायू प्रदूषण कमी करण्यासाठी काय कारवाई केली ? तपशील सादर करण्याचे उच्च न्यायालयाचे सरकारला आदेश
11 Benefit of additional mat area for slum rehabilitation schemes
११ झोपु योजनांना अतिरिक्त चटईक्षेत्रफळाचा लाभ? योजना प्रारंभावस्थेत असल्याचा दावा
Prime Minister Narendra modi emphasis on research oriented education
संशोधनाभिमुख शिक्षणावर भर; पंतप्रधानांचे प्रतिपादन, नालंदा विद्यापीठाच्या नव्या परिसराचे उद्घाटन