चांदवड तालुक्यातील शिवरे या गावात विधवेचे तोंड काळे करून आणि चप्पलांचा हार घालून धिंड काढण्यात आल्याचा प्रकार अंधश्रद्धेतून झाला असून जादुटोणा विरोधी कायद्यातंर्गत गुन्हा दाखल करण्याची मागणी महाराष्ट्र अंधश्रध्दा निर्मूलन समितीचे मुख्य सचिव डॉ. ठकसेन गोराणे, राज्य कार्यवाह कृष्णा चांदगुडे यांनी केली आहे.

हेही वाचा >>>नाशिक: पिफ महोत्सवात नाशिकच्या दिग्दर्शिकेचा ‘गिरकी’

maratha reservation
मराठा समाजाला दहा टक्के आरक्षणाचा निर्णय राजकीय हेतूने प्रेरित, आरक्षणाला उच्च न्यायालयात आव्हान
article about conspiracy to defame the judiciary constitution protection by judiciary
लेख : न्यायपालिकेच्या बदनामीचे षड्यंत्र!
Secular Parishad in Dhule
जातीयवाद्यांना रोखण्याचा धुळ्यातील सेक्युलर परिषदेचा निर्धार
Death threat to Deputy Chief Minister devendra Fadnavis on social media case filed in Santacruz police station
उपमुख्यमंत्री फडणवीस यांना समाज माध्यमांवर ठार मारण्याची धमकी, सांताक्रुझ पोलीस ठाण्यात गुन्हा दाखल

जिल्हा पोलीस अधीक्षक शहाजी उमाप यांना याविषयी समितीतर्फे निवेदन देण्यात आले आहे. वडनेर भैरव पोलीस ठाण्यातील आधिकाऱ्यांनाही निवेदन देण्यात आले. पतीच्या निधनानंतर सासरच्या लोकांशी संबंधित महिलेचे वाद झाले होते. त्यातूनच पतीच्या दशक्रिया विधीच्या दिवशी तिची धिंड काढण्यात आली. या घटनेत गुन्हा दाखल होत नव्हता. अंनिसने प्रभावी हस्तक्षेप केल्यानंतर विधान परिषदेच्या उपसभापती नीलम गोऱ्हे यांच्यामार्फत पोलीस महासंचालक आणि पोलीस अधीक्षक यांना गुन्हा नोंदविण्याच्या सूचना देण्यात आल्यावर गुन्हा दाखल झाला.

हेही वाचा >>>जळगाव : तीनशे रुपयांचा मोह अन् तलाठी जाळ्यात

या घटनेमागे अंधश्रद्धा असावी, अशी शक्यता कार्यकर्त्यांनी व्यक्त केली होती. ती शक्यता खरी ठरल्याचे अंनिसने म्हटले आहे. महिलेने आपल्या तक्रारीत नमूद केल्यानुसार संशयितांनी संबंधित विधवेच्या अंगात देवी आली, तिची पूजा करा, तिची मिरवणूक काढा, असे म्हटले आहे. सदरचे कृत्य हे जादुटोणा विरोधी कायद्याचे उल्लंघन करणारे असल्याने त्या कायद्याचे कलम लावावे, अशी मागणी डाॅ. गोराणे, चांदगुडे यांनी केली आहे.