नाशिक :लाच मागणाऱ्या जिल्हा रुग्णालयातील लिपिकास अटक | District Hospital Clerk arrested for demanding bribe amy 95 | Loksatta

नाशिक :लाच मागणाऱ्या जिल्हा रुग्णालयातील लिपिकास अटक

तक्रारदाराने पत्नीच्या आजारपणावरील उपचाराची दोन वैद्यकीय देयके मंजुरीसाठी जिल्हा शासकीय रुग्णालयात सादर केली होती.

नाशिक :लाच मागणाऱ्या जिल्हा रुग्णालयातील लिपिकास अटक
( संग्रहित छायचित्र )

वैद्यकीय उपचाराची देयके पुढील कार्यवाहीसाठी पाठविण्यासाठी २४ हजार रुपयांची लाच मागितल्या प्रकरणी जिल्हा शासकीय रुग्णालयातील वरिष्ठ लिपीक राजेश नेहुलकर विरोधात लाचलुचपत प्रतिबंधक अधिनियमान्वये गुन्हा दाखल करण्यात आला आहे.जिल्हा रुग्णालयाचा कारभार विविध घटनांमुळे कायम चर्चेत असतो. अलिकडेच रुग्णालयातून देण्यात येणाऱ्या प्रमाणपत्रांचे प्रकरण चांगलेच गाजले. रुग्णालय परिसरातील अस्वच्छतेमुळे रुग्ण, त्यांचे नातेवाईक यांना त्रास होत असतो. अशी परिस्थिती असताना आता लाच मागण्याचे प्रकरणही उजेडात येत आहे.

हेही वाचा >>> वाद मिटविण्याविषयी फडणवीसांना सांगितलेच नाही – एकनाथ खडसे यांचा दावा

तक्रारदाराने पत्नीच्या आजारपणावरील उपचाराची दोन वैद्यकीय देयके मंजुरीसाठी जिल्हा शासकीय रुग्णालयात सादर केली होती. ही देयके पुढील कार्यवाहीसाठी पाठविण्याच्या मोबदल्यात देयकांच्या एकूण रक्कमेच्या पाच टक्के प्रमाणे ३० हजार रुपयांची लाच वरिष्ठ लिपिक राजेश नेहुलकरने मागितली. तडजोडीअंती चार टक्क्यानुसार २४ हजार रुपयांची मागणी केली. या संदर्भात तक्रारदाराने लाचलुचपत प्रतिबंधक विभागाकडे तक्रार दिली. या अनुषंगाने सापळापूर्व पडताळणी करण्यात आली. यावेळी जिल्हा रुग्णालयातील वरिष्ठ लिपिक नेहुलकरने तक्रारदाराकडे पंचासमक्ष २४ हजार रुपयांची लाच मागितल्याचे उघड झाले. या प्रकरणी लाचलुचपत प्रतिबंधक विभागाने संशयित नेहुलकरला अटक केली. त्याच्याविरुध्द सरकारवाडा पोलीस ठाण्यात गुन्हा दाखल करण्यात आला आहे. दरम्यान, कोणत्याही शासकीय अधिकारी, कर्मचारी वा त्यांच्यावतीने खासगी व्यक्तीने कोणतेही शासकीय काम करून देण्यासाठी लाचेची मागणी केल्यास तात्काळ १०६४ या टोल फ्री क्रमांकावर संपर्क साधावा, असे आवाहन लाचलुचपत प्रतिबंधक विभागाने केले आहे.

मराठीतील सर्व नाशिक / उत्तर महाराष्ट्र ( Nashik ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
नाशिक :दसरा मेळाव्यातील शक्ती प्रदर्शनासाठी दोन्ही गटात स्पर्धा

संबंधित बातम्या

मुंबईत नाशिकचा गजर
सभापतिपदासाठी भाजपचा नव्या-जुन्यांचा मेळ
लोकप्रतिनिधींकडून पुन्हा एकदा स्वच्छतेची ‘चमकोगिरी’
जळगाव: शरद कोळींविरुद्ध धरणगाव पोलीस ठाण्यात गुन्हा दाखल
जळगाव: बारा गाड्या ओढण्याच्या कार्यक्रमात चाकाखाली सापडून तरुणाचा मृत्यू; एरंडोल तालुक्यातील घटना

व्हिडिओ

ताज्या बातम्या
“…तर आता यांच्या पोटात गोळा यायला लागला”, उद्धव ठाकरेंचं राज ठाकरेंवर टीकास्र
“…तर तुम्ही मूर्ख, खोटारडे आणि ढोंगी आहात” उद्धव ठाकरेंवरील ‘त्या’ आरोपांवरून राऊतांचा भाजपावर घणाघात
पुणे: गडकिल्ले संवर्धनासाठी दोन वर्षांनंतर समित्या स्थापन
पुणे: नवले पुलाजवळ पुन्हा अपघात; ट्रकची मालवाहू गाडीला धडक; सात जण जखमी
“आजच्या गद्दारीची तुलना छत्रपती शिवाजी महाराजांच्या आग्रा सुटकेशी केली”, उद्धव ठाकरेंचा मंगलप्रभात लोढांसह शिंदेंवर हल्लाबोल