नाशिक : जिल्ह्यात आठ ते ११ मे या कालावधीत वादळी वाऱ्यासह झालेल्या वळिवाच्या पावसाचा ४१ गावांतील ५१३ हेक्टरवरील पिके आणि फळबागांना फटका बसला. यात सर्वाधिक ४७५ हेक्टरवरील आंब्याचे नुकसान झाले आहे. नैसर्गिक संकटात १३३८ शेतकरी बाधित झाले. अनेक तालुक्यात घरांची मोठ्या प्रमाणात पडझड झाली. या नुकसानीचे पंचनाम्याचे आदेश प्रशासनाने दिले असले तरी बहुतांश कर्मचारी निवडणूक कामात असल्याने हे काम संथपणे पुढे सरकत आहे.

चार ते पाच दिवसांपासून अनेक भागात वादळी वारा, विजांच्या कडकडाटासह पाऊस कोसळत आहे. जिल्ह्यातील अनेक भागात घरांची पडझड झाली. वीज पडून चांदवड तालुक्यात एका महिलेचा मृत्यू झाला तर सिन्नरमध्ये घराची भिंत पडून महिला जखमी झाली. वीज पडून पशूधनाचे मोठ्या प्रमाणात नुकसान झाले. वादळी पावसाने हातातोंडाशी आलेला आंब्याचा घास हिरावला गेला. नुकसानीच्या प्राथमिक अहवालानुसार ४१ गावातील १३३८ शेतकरी बाधित झाले. या गावातील एकूण ५१३ हेक्टरवरील पिके आणि फळपिकांचे नुकसान झाले. डाळिंबाचे (साडेचार हेक्टर), द्राक्ष (१.२१ हेक्टर) यासह काही ठिकाणी मका व कांद्याचे नुकसान झाले. २४ हेक्टरवरील इतर पिकांचे नुकसान झाल्याचा अंदाज आहे. नैसर्गिक संकटाची सर्वाधिक झळ पेठ तालुक्यास बसली. या तालुक्यातील २९ गावांतील १२७० शेतकऱ्यांचे नुकसान झाले. या एकाच तालुक्यात ४६९ हेक्टरवरील आंबा आणि २४ हेक्टरवरील अन्य पिके असे ४९३ हेक्टरवरील पिकांचे नुकसान झाले. सुरगाणा आणि नाशिक तालुक्यात प्रत्येकी चार गावांना पावसाचा फटका बसला. नाशिकमध्ये (साडेसात हेक्टर), सुरगाणा (३.५१ हेक्टर), दिंडोरी (चार), सटाणा (३.८०) आणि निफाड (१.२१ हेक्टर) पिकांचे नुकसान झाले.

rainy weather, Solapur,
सोलापुरात पावसाळी वातावरणामुळे खरीप पेरण्यांसाठी शेतकऱ्यांचा उत्साह
Tendu Season, Gadchiroli Tendu Season, Gadchiroli district, Tendu Season Hit, Price Demands, Unseasonal Rain, Unseasonal Rain Affecting Local Economy, Naxalite Extortion,
गडचिरोली : तेंदू व्यवसाय मंदावल्याने नक्षल्यांची आर्थिक कोंडी!
Four died, house,
जळगाव जिल्ह्यात वादळी पावसामुळे घर कोसळून चौघांचा मृत्यू
Jalgaon banana farm destroyed
जळगाव जिल्ह्यात वादळी वाऱ्यांमुळे केळीबागा आडव्या, मोठ्या प्रमाणावर पिकांचे नुकसान
water cut, Mumbai,
मुंबईत ३० मेपासून ५ टक्के, तर ५ जूनपासून १० टक्के पाणीकपात; ठाणे, भिवंडी-निजामपूर महानगरपालिका व इतर गावांनाही फटका
Tourist Surge, Tourist Surge in Lonavala, Traffic in Lonavala, Tourist Surge in Lonavala During Summer Vacation, summer vacations,
लोणावळ्यात पर्यटकांची गर्दी; वाहतूक कोंडीमुळे नागरिक त्रस्त
thane vegetable price today marathi news
वळीवामुळे भाज्या कडाडल्या, दरात २० रुपयांनी वाढ; नाशिक, पुणे जिल्ह्यांत उत्पादनात घट
Kalyan Dombivli, Trees Fall on Power Lines, Trees Fall on Power Lines in Kalyan Dombivli, Heavy Rains, Disrupting Power Supply, Traffic, thane news, kalyan news,
वीज वाहिन्यांवर झाडे कोसळल्याने कल्याण, डोंबिवलीचा वीज पुरवठा खंडित

हेही वाचा…नाशिकमध्ये टंचाईची तीव्रता गडद कशी होतेय? १२ तालुक्यांतील ११३९ गाव-वाड्यांना टँकरने पाणी

निवडणुकीमुळे पंचनामे संथपणे

जिल्ह्यात पावसामुळे जिवितहानी, पशूधन, फळपीक, कांदा चाळीचे मोठे नुकसान झाले. प्रशासनाने नुकसानीचे पंचनामे करण्याचे निर्देश दिले असले तरी त्यास विलंब लागण्याची शक्यता वर्तविली जात आहे. २० मे रोजी नाशिक, दिंडोरी मतदारसंघात मतदान होणार आहे. कृषी व महसूलसह अन्य विभागातील बहुतांश कर्मचाऱ्यांची निवडणूक कामावर नियुक्ती झाली आहे. निवडणूक प्रशिक्षण व अन्य कामांमुळे पंचनाम्याचे काम संथपणे पुढे जात आहे. पावसाची हजेरी कायम राहिल्यास नुकसानीचे प्रमाण वाढत राहील. यामुळे पुन्हा, पुन्हा ते काम करावे लागण्याची भीती व्यक्त केली जाते.