नंदुरबार : नंदुरबार लोकसभा मतदारसंघातील काँग्रेसचे उमेदवार गोवाल पाडवी आणि त्यांचे पालक के. सी. पाडवी आणि हेमलता पाडवी यांच्या डमी अर्जावर भाजपच्या उमेदवार खासदार डॉ. हिना गावित यांनी हरकत घेतल्याने खळबळ उडाली आहे. याबाबत निवडणूक निर्णय अधिकारी मनिषा खत्री यांनी वकिलांना अर्ध्या तासाची मुदत दिली असून त्यानंतर सुनावणी करण्यात येणार आहे. त्यामुळे आता हरकतींबाबत निवडणूक निर्णय अधिकारी यांच्या निर्णयाकडे सर्वांच्या नजरा लागल्या आहेत.

नंदुरबार लोकसभा मतदारसंघासाठी १८ उमेदवारांकडून ३१ अर्ज दाखल करण्यात आले. शुक्रवारी सकाळी जिल्हाधिकारी दालनात अर्ज छाननी प्रक्रियेला सुरुवात होताच. भाजपच्या उमेदवार डॉ. हिना गावित यांनी काँग्रेस उमेदवार गोवाल पाडवी आणि काँग्रेसचे डमी अर्ज भरलेले के. सी. पाडवी आणि हेमलता पाडवी यांच्या अर्जांवर हरकती घेतल्या. याबाबत वकिलांना बाजू मांडण्यासाठी अर्ध्या तासांची मुदत जिल्हाधिकारी तथा निवडणूक निर्णय अधिकाऱ्यांकडून देण्यात आली होती.

BJP MLA are worried about Congress increasing voter in loksabha election
काँग्रेसला सुगीचे दिवस! मताधिक्य घटल्याने भाजप आमदार चिंतेत, मात्र काँग्रेसमध्ये…
Akkalkot Congress presidents shankar mhetre threat warning to BJP MLA Sachin Kalyanshetty
अक्कलकोट काँग्रेस अध्यक्षाचा आमदार सचिन कल्याणशेट्टींना धमकीवजा इशारा
Konkan Graduate Constituency, Niranjan Davkhare, BJP, ramesh keer, Congress, BJP s Niranjan Davkhare, Congress s ramesh keer, Niranjan Davkhare vs ramesh keer, Voter Numbers Surge in Konkan Graduate Constituency,
कोकणात सुशिक्षित मतदारांचा कौल कोणाला? मतदारांच्या संख्येत सव्वा लाखांची वाढ
Nandurbar lok sabha seat, Newly Elected MP Adv Gowaal Padavi, new leader of Tribal Community , Adv Gowaal Padavi political journey, gowaal padvi, sattakaran article,
ओळख नवीन खासदारांची : ॲड. गोवाल पाडवी (नंदुरबार, काँग्रेस) ; आदिवासींमधील नवीन नेतृत्व
ramtek lok sabha marathi news
भाजप आमदारांच्या मतदारसंघातच शिवसेनेला फटका…बावनकुळेंच्या कामठीतही…
Shubhangi Patil
ठाकरेंची मनधरणी यशस्वी, बंडखोरीच्या तयारीत असलेल्या शुभांगी पाटलांची शिक्षक मतदारसंघाच्या निवडणुकीतून माघार; म्हणाल्या, “मी…”
Prakash Ambedkar, akola,
ॲड. प्रकाश आंबेडकरांचे राजकारण जनतेने ओळखले; काँग्रेस पाडण्यासाठीच… डॉ. अभय पाटील यांची टीका
Smriti Irani Amethi Result
केंद्रीय मंत्री स्मृती इराणींचा १ लाखांच्या मतांनी पराभव; काँग्रेसचे किशोरी लाल शर्मा विजयी

हेही वाचा…नाशिक जिल्ह्यात आजपासून उमेदवारी अर्ज भरण्याची प्रक्रिया

गोवाल पाडवी यांनी आपल्या उमेदवारी अर्जात चुकीची आणि खोटी माहिती नमूद करुन अर्जात बंधनकारक असलेल्या बाबी देखील भरल्या नाहीत. तसेच अवलंबित या कलमात खोटी दिशाभूल करणारी माहिती भरल्याचा मुख्य आक्षेप भाजपकडून घेण्यात आला आहे. गोवाल यांच्या अर्जात वडील के. सी. पाडवी, आई हेमलता पाडवी आणि बहीण आदिमा पाडवी यांना अवलंबीत दाखविण्यात आले आहे. तसेच के. सी. पाडवी आणि हेमलता पाडवी यांच्या अर्जात गोवाल यांना अवलंबित दाखविण्यात आले आहे. त्यामुळे ही माहिती दिशाभूल करणारी आहे.

हेही वाचा…राजाभाऊ वाजे, भास्कर भगरे यांचे अर्ज सोमवारी; महायुतीचा नाशिकमध्ये उमेदवार ठरेना

तसेच. गोवाल यांनी आपल्या अर्जात वारस प्राप्त मालमत्ता असल्याचे म्हटले आहे. परंतु, त्या मालमत्तेचे विवरण दिलेले नाही. हेमलता पाडवी आणि आदिमा पाडवी यांच्या सध्याच्या बँकेचे ९० दिवसांचे विवरण देखील देण्यात आलेले नाही. के. सी. पाडवी यांचे मालमत्ता मूल्यदेखील कमी दाखविण्यात आल्याची हरकत भाजपकडून घेण्यात आली आहे. सध्या गोवाल आणि हिना गावित यांच्या वकिलांचा निवडणूक निर्णय अधिकारी मनिषा खत्री यांच्यासमोर युक्तीवाद सुरु आहे. के.सी. पाडवी देखील संबंधित ठिकाणी दाखल झाले आहेत.