नाशिक: हॅलो, दिल्लीहून बोलतेय, अमूक मॅडमशी बोलायचंय, त्यांना दूरध्वनी द्या… त्यांच्याशी दूरध्वनी जोडला (कॉन्फरन्स) की, त्यांच्या भावाशी बोलायचे आहे.. त्यालाही दूरध्वनी जोडला की, त्याच्या परिचितातील अन्य एखाद्या व्यक्तीशी बोलायचे असल्याचे कारण सांगितले जाते. शहरातील हं.प्रा.ठा. महाविद्यालयातील प्राचार्य आणि प्राध्यापक दोन दिवसांपासून सातत्याने येणाऱ्या अशा अज्ञात फोनमुळे त्रस्त झाले आहेत. महिला प्राध्यापिकेशी बोलायचे कारण देत एकेकास वेगवेगळ्या क्रमांकाहून दिवसभरात १०० ते १५० दूरध्वनी येत असल्याने समस्त प्राध्यापक वर्गाला प्रचंड मनस्ताप सहन करावा लागत आहे.

दोन दिवसांपासून वारंवार येणाऱ्या दूरध्वनीच्या जाचामुळे हंप्राठातील प्राचार्य, प्राध्यापक वर्ग हैराण झाला आहे. महाविद्यालयात कार्यरत एका महिला प्राध्यापिकेला प्रारंभी असे काही दूरध्वनी आले होते. दुपारपासून सुरू झालेल्या दूरध्वनीचा भडिमार रात्री उशिरापर्यंत कायम राहिला. या काळात त्यांनी जेव्हा जेव्हा दूरध्वनी घेतला, समोरून मुलीने त्यांच्या भावाचे नाव सांगून त्यांच्याशी बोलायचे असल्याचे कारण दिले. महिला प्राध्यापिकेने भावाला दूरध्वनी जोडल्यावर समोरून त्यांच्या परिचितातील अन्य व्यक्तीचे नाव सांगून त्याच्याशी बोलायचे असल्याचे सांगितले गेले. या प्रकारामुळे प्राध्यापिका चक्रावल्या. नंतर संबंधित प्राध्यापिकेशी बोलायचे आहे, असा महाविद्यालयातील प्राचार्य व इतर प्राध्यापकांना दिल्लीहून भ्रमणध्वनीचा मारा सुरू झाला. काही प्राध्यापकांनी संबंधित महिला प्राध्यापिकेशी दूरध्वनी जोडून दिला असता, आधीसारखा अनुभव आला. एकाचे नाव सांगून नंतर दुसऱ्याशी, मग तिसऱ्याशी बोलायचे कारण समोरून दिले गेले. संबंधितांना या गडबडीत अडकवून ठेवले जात असल्याचा अंदाज आहे. या प्रकारास वैतागलेल्या काही प्राध्यापकांनी अनोळखी भ्रमणध्वनी घेणे बंद केल्यावर वेगवेगळ्या क्रमांकावरून त्यांच्याशी संपर्क साधला जाऊ लागला. मुलीच्या आवाजात दिल्लीहून संपर्क साधणाऱ्यांना प्राध्यापकांची नावे माहिती आहेत. त्यांनी वेळ मारून नेण्याचा प्रयत्न केला तरी दिवसभरात १०० ते १५० भ्रमणध्वनींना तोंड द्यावे लागत आहे.

Hinganghat, admission,
वर्धा : ॲडमिशन टळल्यास महाविद्यालय इतरत्र जाणार? वैद्यकीय महाविद्यालय जागेसाठी देवेंद्र फडणवीस यांच्याकडे धाव
27 female students were illegally kept on rent in the girls hostel of Government Engineering College Chandrapur
कमालच आहे राव… प्राध्यापिकांनी वसतिगृहात चक्क २७ विद्यार्थिनींना भाड्याने ठेवले
Mumbai 11th Grade Admissions, 11th Grade Admissions Second List, 11th admission Second List to be Released on 10th July, Over 1 Lakh Students Still Awaiting Admission, education news, marathi news, latest news, loksatta news
अकरावी प्रवेश प्रक्रिया : दुसरी प्रवेश यादी जाहीर, २० हजार ३० विद्यार्थ्यांना पहिल्या पसंतीक्रमाचे महाविद्यालय
nmc denies mbbs permission to 8 proposed medical colleges in maharashtra
राज्यातील आठ वैद्याकीय महाविद्यालयांना प्रवेशमनाई; अपुरी यंत्रसामग्री, मनुष्यबळाचा अभाव असल्याचा ठपका
Candidates will have to wait for professor recruitment pune
प्राध्यापक भरतीची रखडपट्टी… उमेदवारांना करावी लागणार प्रतीक्षा
Maharashtra State Government, Maharashtra State Government Clears Promotion, State Government Clears Promotion Path for Professors Under CAS, Retrospective Rule,
प्राध्यापकांच्या ‘लाभा’चा मार्ग मोकळा; पण सरकारी तिजोरीवर ३० कोटींपेक्षा अधिक ताण
First merit list of 11th class pune marathi news
अकरावीच्या प्रवेशांची पहिली गुणवत्ता यादी उद्या… कोट्याअंतर्गत आतापर्यंत किती प्रवेश निश्चित?
rudra the practical school nashik marathi news
विद्यार्थिनीच्या मृत्युनंतर दिवसभर शाळा बंद, राष्ट्रवादी विद्यार्थी संघटनेचे आंदोलन

हेही वाचा : बैलांना वाचविले; पण शेतकर्‍याचा बुडून मृत्यू, जळगाव जिल्ह्यातील रेल्वे बोगद्यातील पाण्यातून बैलगाडी काढताना घटना

संपर्क साधणारे नेमके काय काम आहे, हे सांगत नाहीत. निव्वळ फिरवाफिरवी करून बोलण्यात गुरफटून ठेवतात. नेमके काय चाललेले आहे, हे देखील आकलनापलीकडे गेले असून अज्ञात दूरध्वनीमुळे मानसिक छळ होत असल्याची तक्रार महिला प्राध्यापिकेने केली. महाविद्यालयातील अन्य प्राध्यापकांची वेगळी स्थिती नाही. समोरून हिंदी भाषेतून सर्वांशी एकसारखा संवाद साधला जातो. या संदर्भात पोलिसात तक्रार देण्याचा विचार प्राध्यापक करीत आहेत.

हेही वाचा : नाशिक: शासकीय योजनांची केंद्रीय समितीकडून पाहणी

फेसबुकवर एखाद्याची बनावट माहिती टाकून संदेश पाठविण्याचे प्रकार घडत असून तशा तक्रारी येत आहेत. परंतु, एकसारखे अज्ञात भ्रमणध्वनी आल्याचे प्रकार घडल्याच्या तक्रारी आलेल्या नाहीत. संबंधित प्राध्यापकांनी या संदर्भात पोलिसांकडे तक्रार करावी. त्यांना एकसारखे भ्रमणध्वनी करण्यामागे कुणाचातरी खोडसाळपणा असण्याची शक्यता आहे. त्रास देण्याच्या उद्देशाने हे कृत्य केले जात असावे.

रियाज शेख (वरिष्ठ निरीक्षक, सायबर पोलीस ठाणे, नाशिक)