लोकसत्ता विशेष प्रतिनिधी

नाशिक : विधान परिषदेच्या नाशिक विभाग शिक्षक मतदारसंघाच्या निवडणुकीसाठी शुक्रवारी अधिसूचना प्रसिद्ध होत असून याच दिवसापासून इच्छुकांना उमेदवारी अर्ज दाखल करता येणार आहे. २०१८ मध्ये या मतदारसंघात ५३ हजार ८९२ मतदार होते. यावेळी डिसेंबर २०२३ अखेर ही संख्या ६४ हजार ८०२ पर्यंत गेली. मतदार नोंदणीसाठी ५५३९ अर्ज प्राप्त झाले असून त्यावर निर्णय झाल्यानंतर अंतिम मतदारसंख्या आणखी वाढणार आहे. मतदार नोंदणीत अहमदनगर जिल्ह्यातून अधिक जोर लावण्यात आल्याचे दिसत आहे.

IAS Pooja Khedkar WhatsApp Chat Pune Collector Office
Pooja Khedkar Chat : “सर्व व्यवस्था करून ठेवा…”, पूजा खेडकर यांचे ‘ते’ व्हॉट्सॲप चॅट व्हायरल
Rohit Sharma Reaction Before Suryakumar Yadav Catch
मिलरचा शॉट अन् आशा सोडलेला रोहित… सूर्यकुमार यादवने तो कॅच घेण्याआधी रोहितच्या मैदानावरील प्रतिक्रियेचा VIDEO व्हायरल
nashik teachers marathi news
नाशिक शिक्षक मतदारसंघाच्या मोजणीत जादा मते आढळल्याने गोंधळ
Raosaheb Danve On Maharashtra MLC Election
“विधानपरिषदेच्या निवडणुकीत राजकीय भूकंप झाला तर…”, रावसाहेब दानवेंचं मोठं विधान
Shaun Pollock Statement on Suryakumar Yadav Catch
VIDEO: दक्षिण आफ्रिकेच्या माजी खेळाडूचं सूर्याच्या कॅचवर मोठे वक्तव्य; म्हणाला, “बाऊंड्री कुशन हललं, पण…”
nashik, nashik teacher Constituency, aspirant Candidates, Seek Rescheduling, Teacher Constituency election postponed demand, aspirant Candidates teacher Constituency, lok sabha election teacher constituency clash, marathi news, nashik news, nashik teacher teacher Constituency news,
नाशिक : शिक्षक मतदारसंघातील इच्छुकांपुढे आव्हानांचा डोंगर
Nashik Division teachers constituency, vidhan parishad, candidate, wealthy, educational institute director
नाशिक शिक्षकमध्ये सर्व प्रमुख उमेदवार धनाढ्य अन शिक्षण संस्थाचालक
21 candidates for teachers constituency NCPs candidacy has caused a breakdown in mahayuti
नाशिक : शिक्षक मतदारसंघात २१ उमेदवार रिंगणात, राष्ट्रवादीच्या उमेदवारीने महायुतीत बिघाडी

लोकसभेपाठोपाठ विधान परिषदेच्या नाशिक विभाग शिक्षण मतदार संघाची निवडणूक होत आहे. अधिसूचना प्रसिध्द झाल्यानंतर ३१ मे ते सात जून या कालावधीत उमेदवार अर्ज दाखल करता येणार आहेत. २६ जूनला मतदान होणार आहे. मागील निवडणुकीच्या तुलनेत यंदा मतदार संख्येत सुमारे ११ हजारने वाढ झाली. प्राप्त झालेले अर्ज मंजूर झाल्यास ही संख्या आणखी साडेपाच हजारांनी वाढणार आहे. नाशिक, अहमदनगर, धुळे, जळगाव व नंदुरबार या जिल्ह्यातील शिक्षक या निवडणुकीत मतदान करतील. मतदान नोंदणीकडे अहमदनगर जिल्ह्यातील शिक्षकांनी प्राधान्याने लक्ष दिल्याचे दिसत आहे.

आणखी वाचा-मागोवा : ग्रामीण भागातील वाढीव मतटक्का परिणामकारक

विहित मुदतीत प्राप्त झालेल्या अर्जात ३११५ अर्ज एकट्या या जिल्ह्यातील आहेत. गेल्यावेळी नाशिकच्या तुलनेत नगरमधील मतदारांची संख्या साधारणत: दीड हजाराने कमी होती. यावेळी नगरमधून मतदारांच्या संख्येतील तफावत भरून काढण्याची धडपड झाल्याचे दिसून येते. परंतु, नाशिक जिल्ह्यातून २१८३ मतदारांनी अर्ज भरले आहेत. त्यामुळे मंजुरीनंतर दोन्ही जिल्ह्यातील मतदार संख्येत फार तफावत राहणार नसल्याचा अंदाज आहे. जळगावमधून सर्वात कमी म्हणजे ५३, धुळे ८०, नंदुरबारमधून १०३ मतदार नोंदणी अर्ज यंत्रणेकडे प्राप्त झाले आहेत. या अर्जावर निर्णय होऊन अंतिम मतदार यादी प्रसिध्द केली जाईल.

अर्ज स्वीकृती विभागीय आयुक्त कार्यालयात

शिक्षक मतदारसंघात पाच जिल्ह्यांचा समावेश असला तरी या निवडणुकीसाठी इच्छुकांना नाशिकरोड येथील विभागीय आयुक्त कार्यालयात उमेदवारी अर्ज सादर करावा लागणार आहे. उमेदवारांना अर्जासोबत खुल्या गटासाठी १० हजार तर, अनुसूचित जाती-जमाती प्रवर्गासाठी पाच हजार रुपये अनामत रक्कम भरावी लागणार आहे. उमेदवाराचे नाव विधानसभा मतदारसंघाच्या मतदार यादीत असणे आवश्यक आहे. तसेच सूचक वा प्रस्तावकाचे नाव शिक्षक मतदारसंघाच्या यादीत असणे बंधनकारक असल्याचे उपायुक्त (प्रशासन) विठ्ठल सोनवणे यांनी सांगितले.

आणखी वाचा-भुसावळ दुहेरी हत्या प्रकरणात सहा संशयित ताब्यात, धुळे पोलिसांची कामगिरी

जिल्हानिहाय मतदार

डिसेंबर २०२३ मध्ये प्रसिध्द झालेल्या अंतिम मतदार यादीनुसार नाशिक जिल्ह्यात २३ हजार ५९७, धुळे जिल्ह्यात ८०८८, जळगाव १३ हजार ५६, नंदुरबार ५४१९ आणि नगर जिल्ह्यात १४ हजार ६४२ याप्रमाणे एकूण ६४ हजार ८०२ मतदारांची नोंदणी झाली आहे. नव्याने ५५३९ मतदार नोंदणी अर्ज प्राप्त झाले. हे अर्ज मंजूर झाल्यास मतदारांची एकूण संख्या ७० हजारावर जाण्याची शक्यता आहे. मागील निवडणुकीच्या तुलनेत यंदा मतदारसंख्या १६ हजारांनी वाढणार आहे.