जळगाव – जिल्ह्यातील भुसावळ शहरात जामनेर रस्त्यावर असलेल्या एका गॅरेजमध्ये गॅस संचाची (गॅसकिट) दुरुस्ती सुरू असताना गुरुवारी रात्री प्रवासी वाहतूक करणाऱ्या मोटारीने अचानक पेट घेतला. त्यात मोटार पूर्णतः जळून खाक झाली. गॅरेजचे बरेच नुकसान झाले. या प्रकरणी पोलिसांनी आगीचे कारण जाणून घेण्यासाठी पुढील तपासाला सुरुवात केली आहे.

भुसावळात जामनेर रस्त्यावर असलेल्या न्यू महालक्ष्मी गॅरेजमध्ये गुरुवारी दुपारी प्रवासी वाहतूक करणारी मोटार गॅस संचाच्या नळीमधून सुरू असलेल्या गळतीच्या दुरुस्तीसाठी दाखल झाली होती. गॅरेजमधील कारागिरांनी रात्री उशिरा दुरुस्तीचे काम हाती घेतल्यानंतर मोटारीचे इंजिन सुरू करताच आगीचा भडका उडाला. गॅरेजमधील कारागिरांसह परिसरातील नागरिकांची त्यामुळे एकच धावपळ उडाली. गॅरेजमध्ये अन्य वाहनांच्या बॅटरी चार्जिंग करण्यासाठी शेजारी लावलेल्या होत्या. मोटारीला लागलेल्या आगीच्या ज्वाळांमुळे चार्जिंगसाठी लावलेल्या बॅटरींचा स्फोट होऊन आणखी मोठा भडका उडाला. दरम्यान, प्रसंगावधान राखून गॅरेजच्या मागील बाजूला ठेवलेले दोन घरगुती गॅस सिलिंडर तातडीने दूर नेण्यात आले. त्यामुळे पुढील अनर्थ टळला. गॅरेजसमोरच पेट्रोल पंप देखील आहे. तिथपर्यंत आग पसरण्यापूर्वीच भुसावळ पालिकेच्या दोन अग्निशमन बंबांनी आगीवर नियंत्रण मिळविले.

Accident Viral Video
VIDEO : ‘त्या चिमुकल्याची काय चूक होती?’ भरधाव कारची दुचाकीला धडक; चिमुकला अक्षरश: कोसळला, काळजाचा ठोका चुकवणारी दुर्घटना
मुख्यमंत्रीपद नाही आणि महत्त्वाचं गृहखातंही नाही यामुळे शिंदेंच्या नाराजीत भरच पडली. (फोटो सौजन्य पीटीआय)
Maharashtra Politics : नाराज एकनाथ शिंदे भाजपासाठी अडचणीचे?
Arrest for vandalizing vehicles in Kasba Peth pune news
कसबा पेठेत वाहनांची तोडफोड करणारे गजाआड; दोन अल्पवयीन ताब्यात
truck vandalism by bikers in pune
दुचाकी नीट चालव म्हटल्याने ट्रकची तोडफोड
Gas leak during excavation in Vasai Agarwal Nagari
वसई: खोदकाम करताना गॅस गळती, रहिवाशांमध्ये घबराट
Uttar Pradesh Ghaziabad Cylinder Blast News
उत्तर प्रदेशात गॅस सिलिंडर्सने भरलेल्या ट्रकला आग; एकामागोमाग एक स्फोट, तीन किमी दूरपर्यंत आवाज, लोकांमध्ये भितीचं वातावरण
be aware about three scam while filling petrol on petrol pump
Video : पेट्रोल भरताना तुमच्याबरोबर होऊ शकतात हे तीन स्कॅम; पेट्रोल पंपावर या गोष्टींची घ्या काळजी
Two attempted self immolations occurred in Jalgaon and Nashik districts on Republic Day January 26
जळगाव, नाशिक जिल्ह्यात प्रजासत्ताक दिनी दोघांचा पेट्रोल ओतून घेत आत्मदहनाचा प्रयत्न

हेही वाचा – नाशिक : आंदोलनानंतर टाकेहर्षची पाणी योजना सुरु, ग्रामस्थांचा आनंदोत्सव

हेही वाचा – नाशिक : म्हाडाकडून नव्याने ५५५ सदनिकांचे वितरण

जळगाव शहरातील इच्छादेवी चौफुलीवर काही दिवसांपूर्वी प्रवासी वाहतूक करणाऱ्या मोटारीत अवैधरित्या गॅस भरण्याचे काम सुरू असताना, झालेल्या स्फोटात १० जण होरपळले होते. त्यापैकी सात जणांचा रुग्णालयात मृत्यू झाल्यानंतर पोलिसांनी वाहनांमध्ये अवैधरित्या घरगुती गॅस भरणाऱ्या केंद्रांवरील कारवाईला वेग दिला आहे. तशी कारवाई भुसावळ शहरात अद्याप सुरू झालेली नाही. त्यामुळे प्रवासी वाहनांमध्ये गॅस संच बसविण्यासह त्यात अवैधरित्या गॅस भरण्याचे प्रकार बिनबोभाटपणे सुरूच आहेत. त्याकडे पोलिसांचे दुर्लक्ष झाल्याचा आरोप होत आहे.

Story img Loader