नाशिक: सोन्याच्या दागिन्यांना चकाकी करून देतो, अशी बतावणी करीत दोन लाख, ४० हजार रुपयांचे दागिने लंपास केल्याचा धक्कादायक प्रकार दिंडोरी परिसरात उघडकीस आला असून दिंडोरी पोलीस ठाण्यात गुन्हा दाखल करण्यात आला आहे. दिंडोरी येथील शैला देशमुख (६२) या घरी एकट्या असतांना दोन संशयित त्या ठिकाणी आले. सोन्याचे दागिने चकाकी करून देतो, असे सांगत देशमुख यांच्याकडील दोन तोळे वजनाचे मंगळसूत्र, दोन तोळे वजनाची सोन्याची बांगडी-पाटली, सहा ग्रॅम वजनाचे कानातील दागिने असे दोन लाख ४० हजार रुपयांचे दागिने देशमुख यांचा विश्वास संपादन करत ताब्यात घेतले. दागिने परत न देता लंपास केले.
