Nashik MNC Case: नाशिकच्या नामांकित कंपनीत महिलांचा लैंगिक छळ; ९ गुन्हे दाखल, SIT स्थापन

Nashik MNC Sexual Harassment: नाशिकच्या कंपनीत महिलांचा छळ; ९ गुन्हे, ६ अटक. पोलीस आयुक्तांकडून SIT ची स्थापना. पीडितांना मदतीसाठी संपर्क करण्याचे आवाहन.

Nashik Police Commissioner Sandeep Karnik on MNC Case | SIT Investigation Nashik Multinational Company | नाशिक बहुराष्ट्रीय कंपनी महिला छळ प्रकरण | नाशिक पोलीस विशेष तपास पथक

नाशिक: बहुराष्ट्रीय कंपनीतील महिला छळ प्रकरणी SIT स्थापन (फोटो- लोकसत्ता)

नाशिक : भोंदूबाबा अशोक खरात आणि कथित पत्रकार रवींद्र एरंडेच्या लैंगिक शोषणाच्या घटना ताज्या असतानाच नाशिकमध्ये आता एका नामांकित बहुराष्ट्रीय कंपनीत तसाच प्रकार घडल्याचे समोर आले आहे. या बहुराष्ट्रीय कंपनीत महिलांचा विनयभंग, लैंगिक व मानसिक अत्याचार तसेच धार्मिक भावना दुखावल्याच्या घटना घडल्या. या प्रकरणी आतापर्यंत एकूण नऊ गुन्हे दाखल झाले असून सहा संशयितांना अटक करण्यात आली आहे.

मागील चार आठवड्यांपासून भोंदूबाबा अशोक खरातचे प्रकरण गाजत आहे. अंगात दैवी शक्ती भासवत अडचणीत सापडलेल्या महिलांवर भोंदूबाबा खरातने अत्याचार केले. या प्रकरणी दाखल आठ गुन्ह्यांचा तपास राज्य शासनाने स्थापलेल्या विशेष तपास पथकाकडून सुरू आहे. याच दरम्यान सातपूर येथील कथित पत्रकार रवींद्र एरंडेने अनेक महिलांशी शारीरिक संबंध प्रस्थापित करून त्याचे चित्रीकरण केल्याची धक्कादायक बाब समोर आली होती. त्याच्याकडे २००३ ते २०२४ या कालावधीतील विविध महिला व मैत्रिणींचे अश्लील चित्रण केलेल्या १२१ चित्रफिती आढळल्या. या प्रकरणात अंबड आणि सातपूर पोलिसांचे विशेष तपास पथक तपास करीत आहे.

या घटना ताज्या असतानाच नाशिक शहरातील नामांकित बहुराष्ट्रीय कंपनीत महिलांचा विनयभंग, लैंगिक व मानसिक अत्याचार आणि धार्मिक भावना दुखावल्याचा प्रकार समोर आल्याने खळबळ उडाली आहे. याबाबतची माहिती सहायक पोलीस आयुक्त संदीप मिटके यांनी दिली. नामांकित कंपनीत हा प्रकार घडल्याने त्याचे गांभीर्य वाढले आहे. बहुराष्ट्रीय कंपनीत कार्यरत महिला कर्मचाऱ्यांचा पुरुष कर्मचाऱ्यांकडून विनयभंग, लैंगिक व मानसिक अत्याचार आणि धार्मिक भावना दुखावल्याचा गंभीर प्रकार उघड झाला. या प्रकरणी आतापर्यंत नऊ गुन्हे दाखल करण्यात आले असून सहा संशयितांना अटक करण्यात आल्याची माहिती मिटके यांनी दिली.

हेही वाचा

काय घडलं नागपूर गुन्हे जगतात? अपघाती मृत्यू मालिका थांबेना, कॅफेच्या आड पुन्हा हुक्का…

एसआयटीची स्थापना

या गुन्ह्याची व्याप्ती, गांभीर्य व संवेदनशीलता लक्षात घेऊन या प्रकरणाचा सखोल तपास करण्यासाठी नाशिकचे पोलीस आयुक्त संदीप कर्णिक यांनी सहायक पोलीस आयुक्त (गुन्हे) यांच्या अधिपत्याखाली विशेष तपास पथक अर्थात ‘एसआयटी’ची स्थापना केली आहे.

पोलीस आयुक्तांचे आवाहन

यापुढे अशा प्रकारच्या घटना घडू नयेत यासाठी सर्व खासगी आस्थापनांनी आपल्या कार्यस्थळी महिलांच्या सुरक्षिततेसंदर्भात आवश्यक ती खबरदारी व प्रतिबंधात्मक उपाययोजना कराव्यात. कोणत्याही महिलेला विनयभंग किंवा अत्याचारासंबंधी तक्रार असल्यास त्यांनी पोलीस आयुक्त व्हॉट्सॲप क्रमांक ९९२३३२३३११ या क्रमांकावर संदेश पाठवावा किंवा नियंत्रण कक्षाशी ११२ या क्रमांकावर संपर्क साधून तक्रार नोंदवावी. तक्रारदार महिला, संस्था किंवा माहिती देणाऱ्या व्यक्तींची ओळख गोपनीय ठेवली जाईल, असे नाशिकचे पोलीस आयुक्त संदीप कर्णिक यांनी म्हटले आहे.

TOPICSक्राईम न्यूज Crime News नाशिक Nashik मराठी बातम्या Marathi News

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Nashik multinational company sexual harassment case sit investigation pps

​एसआयटीची स्थापना

​पोलीस आयुक्तांचे आवाहन

एसआयटीची स्थापना

पोलीस आयुक्तांचे आवाहन