पाच दिवसांत १७०७ गणेश मूर्ती संकलित; नाशिक महापालिकेचा मूर्ती दान उपक्रम

गणेशोत्सव पर्यावरणस्नेही होण्याच्या दृष्टीकोनातून महापालिकेमार्फत अनेक वर्षांपासून मूर्ती दान उपक्रम राबविला जात आहे. शाडू मातीच्या मूर्तींची गणेशभक्तांनी स्थापना करण्यासाठी विभागीय कार्यालयात विक्रेत्यांना जागा उपलब्ध करण्यात आली होती. पीओपी मूर्तींचे घरात विसर्जन करता यावे म्हणून मोफत स्वरुपात अमोनियम बायकार्बोनेट पावडर उपलब्ध केली जात आहे. पर्यावरण संरक्षणाच्या दृष्टीने व नदी पात्रांचे प्रदूषण होऊ नये म्हणूून राबविलेला मूर्ती दान उपक्रम आणि निर्माल्य संकलनास यंदाही गणेशभक्तांकडून प्रतिसाद मिळत आहे. विसर्जनासाठी शहरात विविध ठिकाणी कृत्रिम तलाव आणि निर्माल्य संकलनासाठी निर्माल्य कलश, निर्माल्य रथ यांची व्यवस्था केलेली आहे. पाच दिवसांच्या कालावधीत नागरिकांनी उत्स्फुर्तपणे मूर्ती दान करुन आणि निर्माल्य जमा करून सहकार्य केल्याचे महापालिकेने म्हटले आहे. सहा विभागातून आतापर्यंत एकूण १७०७ मूर्तींचे संकलन करण्यात आले. तसेच, सहा विभागातून विविध विसर्जन स्थळांवरून ३.८ मेट्रिक टन निर्माल्य संकलित करण्यात आले. पुढील काळातही गणेश भक्तांनी असाच प्रतिसाद द्यावा, अशी महापालिकेची अपेक्षा आहे.

नक्की वाचा

नाशिक जिल्ह्यात अपघातात दोघांचा मृत्यू, एक जखमी

४ ऑक्टोबर पंचांग: मेष, वृषभसह ‘या’ राशींवर देवी…

Sharad Pawar : “लाडकी बहीण योजनेमुळे महायुतीचं राज्य पुन्हा येईल, अशी स्थिती…”; शरद पवारांचं वक्तव्य चर्चेत

पाकिस्तानच्या समुद्रात आढळला प्रचंड खनिज तेलसाठा? उत्खननाची क्षमता किती? उद्ध्वस्त अर्थव्यवस्थेची भाग्यरेखा बदलेल?

‘सचिन तेंडुलकर ‘पिच’वरून ‘चीप’वर आले’, एकनाथ शिंदेंची टोलेबाजी

पाकिस्तानचं सिद्दीकी कुटुंब ‘शर्मा’ बनून भारतात का आले? मुस्लीम असूनही शेजारी देश सोडण्याचं खरं कारण काय?

LokPoll Survey: महाराष्ट्रात लोकसभेची पुनरावृत्ती होणार; मविआला १४१ ते १५४ जागा, तर महायुतीला…

Nitin Gadkari : १९०० कोटींमध्ये रस्ता बांधून ८००० कोटी टोल का वसूल केला? नितीन गडकरींना थेट प्रश्न, हिशेब सांगत म्हणाले…

हेही वाचा >>>नाशिक : युनेस्को पथक लवकरच साल्हेर किल्ल्यावर, जागतिक वारसा स्थळांत स्थान मिळण्यासाठी प्रशासनाची तयारी

विभागनिहाय मूर्ती संकलन

महापालिकेने राबविलेल्या मूर्ती दान उपक्रमात आतापर्यंत १७०७ मूर्तींचे संकलन करण्यात आले. यात पंचवटी विभागात ४११, नवीन नाशिक (सिडको) २४८, नाशिकरोड १३९, नाशिक पूर्व १५१, सातपूर ४७८, नाशिक पश्चिम २८० मूर्तींचा समावेश आहे. नागरिकांनी नदीत विसर्जन न करता मूर्ती दान करावी, असे आवाहन महापालिकेने केले आहे.