नाशिकमध्ये नोकरीची मोठी संधी; १२२४ पदांसाठी महामेळावा!

यंदा रोजगार मेळाव्यासाठी महिंद्रा अँड महिंद्रा, नाशिक (रिक्त पदे- २००), बॉश लिमिटेड, नाशिक (१५०), स्पार्क एच. आर. सोल्युशन (४४), टीएसपीएल ग्रुप, चाकण, पीएमईए सोलर टेक प्रा. लि. (२५), गॅब्रिएल इंडिया लिमिटेड, नाशिक (रिक्त पदे- ३०), झेडटीकेआयएन सर्व्हिसेस प्रायव्हेट लिमिटेड, नाशिक (रिक्त पदे- २००), कॉसमॉस मॅनपावर प्रा. लि., गांधीनगर, गुजरात (रिक्त पदे- ३००), जेबीएम ऑटो, सातपूर, नाशिक (रिक्त पदे- ६०), सुदाल इंडस्ट्रीज लि., नाशिक (रिक्त पदे- ०६), इक्विटास स्मॉल फायनान्स, नाशिक (रिक्त पदे- ०५), एन्ट्रेगो बीकेएस बसडक्ट प्रा. लि., नाशिक (रिक्त पदे- ०४), गोविंद एच. आर., नाशिक (रिक्त पदे- ५०), अशी एकूण १२२४ रिक्त पदांसह वरील नामांकित कंपन्या/नियोक्ते व त्यांचे प्रतिनिधी शुक्रवारी भुजबळ नॉलेज सिटी (एमईटी), आडगाव, नाशिक या ठिकाणी उपस्थित राहून प्रत्यक्ष मुलाखती घेणार आहेत.

​नोकरी इच्छुक उमेदवारांनी अद्यापपर्यंत सेवायोजन नोंदणी केली नसल्यास http://www.mahaswayam.gov.in या संकेतस्थळावर नोंदणी करावी. तसेच लॉगिन करून शैक्षणिक पात्रतेनुसार उपलब्ध रिक्त पदांसाठी अप्लाय करावे. ५ वी उत्तीर्ण पासून दहावी, १२ वी, आयटीआय सर्व ट्रेड, डिप्लोमा, ग्रॅज्युएट व पोस्ट ग्रॅज्युएट पदवीधारकांनी उक्त नमूद ठिकाणी उपस्थित राहून प्रत्यक्ष मुलाखती देऊन या सुवर्णसंधीचा लाभ घ्यावा. भरती इच्छुक नियोक्त्यांनी जास्तीत जास्त रिक्त पदे http://www.mahaswayam.gov.in या वेबपोर्टलवर ‘Pandit Dindayal Upadhayay Job Fair’ या पर्यायावर क्लिक करून पंडित दीनदयाळ उपाध्याय रोजगार मेळावा यावर रिक्त पदे अधिसूचित करावीत व शुक्रवारी उपस्थित राहावे.

याबाबत काही अडचणी आल्यास सहाय्यासाठी कार्यालयाच्या ०२५३-२९९३३२१ या दूरध्वनीवर कार्यालयीन वेळेत संपर्क करावा. या मेळाव्याचा जास्तीत जास्त भरती इच्छुक नियोक्ते आणि बेरोजगार उमेदवारांनी उपस्थित राहून लाभ घ्यावा, असे आवाहन सहाय्यक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, नाशिक यांनी केले आहे.