नाशिक: सिक्कीममध्ये दरड कोसळल्याने नाशिक येथील ३५ ते ४० पर्यटक अडकले असले तरी सर्वजण सुखरूप आहेत. शहरातील विविध पर्यटन संस्थांमार्फत हे पर्यटक सिक्कीमला गेले आहेत. रविवारी सिक्कीममध्ये काही ठिकाणी रस्ता खचला, काही ठिकाणी दरड कोसळली. त्यामुळे स्थानिक प्रशासनासमोर पर्यटकांना बाहेर काढण्यासाठी अडचणी निर्माण झाल्या आहेत. या ठिकाणी पर्यटनासाठी नाशिकहून काही पर्यटक गेले आहेत. नाशिक पर्यटन व्यावसायिकांच्या तान या संस्थेचे माजी अध्यक्ष दत्ता भालेराव यांनी सर्व पर्यटक सुखरुप असल्याची माहिती दिली.

हेही वाचा : जलवाहिनी फुटल्याने नाशिक शहरातील पाणी पुरवठा विस्कळीत

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Nashik tourist safe in sikkim after collapse of the mountain crack css