नाशिक : आवक वाढल्याने कांद्याची घसरण

नाशिक : जिल्ह्यातील बाजार समित्यांमध्ये कांद्याची आवक लक्षणीय वाढली असून दरात साधारणत: २२ दिवसात सुमारे हजार रुपयांनी घसरण झाली आहे. मंगळवारी लासलगाव बाजार समितीत २८ हजार १२५ क्विंटलची आवक होऊन प्रतिक्विंटलला सरासरी ३८०० रुपये भाव मिळाला.

आणखी वाचा

घाऊक महागाई वाढली; अन्नधान्यांच्या किमतीमुळे नव्हे तर…; महागाई दर डिसेंबरमध्ये वाढून ….

…तर औषधाची गरजच नाही! वाचा निरोगी आयुष्य जगण्यासाठी…

नाशिकमध्ये नायलॉन मांजा तारांमध्ये अडकून वीज पुरवठा खंडित होण्याचे प्रकार

नाशिकमध्ये नायलाॅन मांजामुळे युवकाचा मृत्यू

नाशिक : कुंभमेळा तयारीसाठी लवकरच स्थानिक पातळीवर बैठक, संशयास्पद भूसंपादनाची चौकशी

चलनवाढीचा दिलासा, पण बेताचाच! डिसेंबरमध्ये दर ५.२२ टक्के; चार महिन्यांच्या नीचांकी

प्रस्तावित वाढवण बंदराबरोबर नाशिक जोडणार

सिकलसेल औषध खरेदीचा निधी वर्षभरापासून पडून, नंदुरबार जिल्हा आरोग्य विभागाची उदासीनता

आठवडाभरापासून घाऊक बाजारात लाल कांद्याची आवक वाढली आहे. १९ नोव्हेंबर रोजी लासलगाव बाजारात १० हजार क्विंटलची आवक झाली होती. त्यास सरासरी ४७०० रुपये भाव मिळाला होता. याचा विचार करता आवक तिपटीने वाढली असून दर कमी होत आहेत. मंगळवारी लाल कांद्याला किमान ११००, कमाल ५२०० आणि सरासरी ३८०० रुपये दर मिळाले. पुढील काळात आवक आणखी वाढत जाईल आणि दर कमी होतील, असे बाजार समितीचे सचिव नरेंद्र वाढवणे यांनी सांगितले.

आणखी वाचा-सेवानिवृत्तवेतन धारकांच्या मदतीला टपाल विभाग, जिल्ह्यात १७०० पेक्षा अधिक जणांना डीएलसी योजनेचा लाभ

मनमाडसह अन्य बाजार समित्यांमध्ये हेच चित्र आहे. मनमाड बाजार समितीत १५ दिवसांपूर्वी साडेचार ते पाच हजारावर गेलेला कांदा चार दिवसात चार हजारांच्या खाली आला आहे. मंगळवारी या बाजारात लाल कांद्याला सरासरी ३५०० रुपये क्विंटल असा भाव मिळाला. सफेद कांद्याला सरासरी २५९५ रुपये क्विंटल असा भाव होता.