scorecardresearch

Premium

नाशिकमध्ये मायटेक्स्पो २०२३ प्रदर्शनाच्या तयारीला वेग, महाराष्ट्र चेंबरचा पुढाकार, तीनशेपेक्षा अधिक दालनांची व्यवस्था

स्थानिक उत्पादनांना जागतिक बाजारपेठ उपलब्ध व्हावी, या हेतूने महाराष्ट चेंबर ऑफ कॉमर्स आणि राज्य शासन यांच्यातर्फे येथे मायटेक्स्पो २०२३ प्रदर्शनाचे आयोजन करण्यात आले आहे.

Mytexpo 2023 in Nashik
नाशिकमध्ये मायटेक्स्पो २०२३ प्रदर्शनाच्या तयारीला वेग, महाराष्ट्र चेंबरचा पुढाकार, तीनशेपेक्षा अधिक दालनांची व्यवस्था (छायाचित्र – लोकसत्ता टीम)

नाशिक – स्थानिक उत्पादनांना जागतिक बाजारपेठ उपलब्ध व्हावी, या हेतूने महाराष्ट चेंबर ऑफ कॉमर्स आणि राज्य शासन यांच्यातर्फे येथे मायटेक्स्पो २०२३ प्रदर्शनाचे आयोजन करण्यात आले आहे. प्रदर्शनात वेगवेगळ्या आस्थापनांचे तीनशेहून अधिक दालन राहणार आहेत. सहा ऑक्टोबरपासून सुरू होणाऱ्या प्रदर्शनाची तयारी पुढील दोन दिवसांत पूर्ण होईल. केंद्रीय आरोग्य राज्यमंत्री भारती पवार, उपमुख्यमंत्री अजित पवार, पालकमंत्री दादा भुसे यांच्या प्रमुख उपस्थितीत प्रदर्शनाचे उदघाटन होणार आहे. समारोप उद्योगमंत्री उदय सामंत यांच्या उपस्थितीत होईल.

राज्यातील व्यापार उद्योगांना चालना मिळावी, म्हणून महाराष्ट चेंबरतर्फे राज्याच्या विविध भागांत मायटेक्स्पो प्रदर्शनाचे आयोजन करण्यात येत आहे. पहिल्या टप्प्यांत मुंबई येथे हे प्रदर्शन पार पडल्यावर दुसऱ्या राज्यव्यापी प्रदर्शनासाठी नाशिकची निवड करण्यात आली. गंगापूर रोडवरील डोंगरे वसतिगृह मैदानावर सहा ते नऊ ऑक्टोबर दरम्यान हे प्रदर्शन होणार आहे. त्याचे भूमिपूजन दीपक बिल्डर्सचे दीपक चंदे, खासदार हेमंत गोडसे आदी मान्यवरांच्या उपस्थितीत पार पडले.

prabhakar devdhar
इलेक्ट्रॉनिक आयोगाचे माजी अध्यक्ष देवधर यांचे निधन; ‘अ‍ॅप्लॅब इंडिया’चे संस्थापकप्रवर्तक
Maharashtra State Backward Classes Commission the survey of Maratha community and open category citizens has started pune news
पुण्यात मराठा सर्वेक्षणाला वेग: ‘एवढ्या’ कुटुंबांची माहिती झाली संकलित
women breaking traffic rules nagpur
नागपूर : वाहतुकीचे नियम तोडण्यात तरुणी-महिला आघाडीवर, वाहतूक विभागाच्या कारवाईतून तपशील समोर
freshwater fish farming increasing in india
देशात गोड्या पाण्यातील मासेमारीत वाढ महाराष्ट्र मात्र पिछाडीवर

हेही वाचा – नाशिक : पाण्यासह जनावरांसाठी आता चारा उपलब्ध, पांगरीतील गंभीर समस्येवर पालकमंत्र्यांची सूचना

प्रदर्शनाद्वारे व्यापार, उद्योग, कृषी प्रक्रिया उद्योगांना व्यवसायवृद्धीची संधी उपलब्ध होणार असून अधिकाधिक नाशिककरांनी या प्रदर्शनाचा मोठ्या संख्येने लाभ घ्यावा, असे आवाहन महाराष्ट चेंबरचे अध्यक्ष ललित गांधी यांनी केले. प्रदर्शनात विविध क्षेत्रातील बड्या उद्योगांसह व्यापारी, उद्योजक, शिक्षण संस्था, कृषी प्रक्रिया उद्योगांचा सहभाग राहणार आहे. व्यापार, उद्योग, कृषी प्रक्रिया उद्योगांच्या नवीन संधीसह विविध विषयांवर चर्चासत्र होणार असल्याचे चेंबरने म्हटले आहे.

हेही वाचा – धुळे : मध्य प्रदेशातून महाराष्ट्रात गुटखा तस्करी; शिरपूर तालुक्यात मुद्देमाल जप्त

यावेळी चेंबरचे अध्यक्ष गांधी, माजी अध्यक्ष संतोष मंडलेचा, वरीष्ठ उपाध्यक्ष अनिलकुमार लोढा, कांतीलाल चोपडा, नितीन बंग, शाखा अध्यक्ष संजय सोनवणे, समन्वयक सचिन शाह, सहसमन्वयक मिलिंद राजपूत, आयमाचे निखिल पांचाळ, धान्य व्यापारी संघटनेचे प्रफुल संचेती यांच्यासह उद्योजक मोठ्या संख्येने उपस्थित होते.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Preparations speed up for mytexpo 2023 in nashik ssb

First published on: 03-10-2023 at 14:58 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×