जामनेर तालुक्यात शालेय बस उलटली; विद्यार्थ्यांसह शिक्षक जखमी

अपघाताची माहिती मिळताच विद्यार्थ्यांच्या पालकांमध्ये भीती व गोंधळाचे वातावरण निर्माण झाले.

school bus overturns In jamner taluka
शालेय बस उलटली

जळगाव – जामनेर तालुक्यातील पहूर – शेंदुर्णीदरम्यान शुक्रवारी  सकाळी सातच्या सुमारास शालेय बस उलटून  विद्यार्थ्यांसह शिक्षक जखमी झाले आहेत. बसचा स्टेअरिंग रॉड तुटल्याने अपघात झाल्याचे सांगण्यात आले. पोलीस सूत्रांच्या माहितीनुसार, जामनेर तालक्यातील पहूर- शेंदुर्णीदरम्यान घोडेश्‍वर बाबा मंदिराजवळ सकाळी सातच्या सुमारास सरस्वती विद्यामंदिराची बस उलटली. बसमध्ये ४० ते ४५ विद्यार्थी व दोन शिक्षक जखमी झाले आहेत.

तुमची नोंदणीशिवाय वाचनाची मर्यादा संपली आहे.
वाचन सुरू ठेवण्यासाठी कृपया नोंदणी करा अथवा साइन इन करा.
Skip
तुमची नोंदणीशिवाय वाचनाची मर्यादा संपली आहे.
वाचन सुरू ठेवण्यासाठी कृपया नोंदणी करा अथवा साइन इन करा.
7 व्या लेखांपैकी हा 3 वा लेख आहे ज्यापूर्वी तुम्हाला नोंदणी करावी लागेल
आमच्या विनामूल्य लेखांमध्ये अमर्यादित प्रवेशासाठी, कृपया साइटवर लॉग इन करा
Skip

हेही वाचा >>> जळगाव: पाळधी दगडफेक प्रकरणी १६ जणांना पोलीस कोठडी – गावात अजूनही संचारबंदी

अपघाताची माहिती मिळताच पहूर पोलीस ठाण्याचे निरीक्षक संजय बनसोड यांच्यासह कर्मचार्‍यांनी धाव घेतली. परिसरातील ग्रामस्थांनी घटनास्थळी येत मदतकार्य सुरू केले. अपघातात जखमी झालेल्या विद्यार्थ्यांसह शिक्षकांना खासगी वाहनांमधून पहूर येथील ग्रामीण रुग्णालयात दाखल करण्यात आले. तेथे त्यांच्यावर तातडीने प्रथमोपचार करण्यात आले. काही विद्यार्थ्यांना जळगाव येथील जिल्हा शासकीय वैद्यकीय महाविद्यालय व रुग्णालयात दाखल करण्यात आले. अपघातातील जखमींपैकी कुणाची प्रकृती गंभीर नसल्याची माहिती सूत्रांनी दिली.  अपघाताची माहिती मिळताच विद्यार्थ्यांच्या पालकांमध्ये भीती व गोंधळाचे वातावरण निर्माण झाले. याप्रकरणी पहूर पोलीस ठाण्यात नोंद करण्याचे काम सुरू होते.

Nashik News (नाशिक / उत्तर महाराष्ट्र न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

First published on: 31-03-2023 at 10:48 IST
Next Story
राज्य सरकारने आत्मपरीक्षण करावे, अजित पवार यांचा सल्ला
Exit mobile version