पारोळ्यातील पोलीस उपनिरीक्षक लाच घेताना जाळ्यात

जळगाव: गुन्ह्यात दोषारोपपत्र तातडीने दाखल करण्यासाठी, तसेच गुन्ह्यात नातेवाइकांना अटक न करण्यासाठी तडजोडीअंती आठ हजारांची लाच स्वीकारताना पारोळा पोलीस ठाण्यातील उपनिरीक्षकास लाचलुचपत प्रतिबंधक विभागाच्या पथकाने अटक केली.

आणखी वाचा

‘ही श्रींची मिरवणूक आहे, बायको माहेरी गेल्यासारखे नाचू नका…’ पुण्यातील विसर्जन मिरवणुकीत अनोखी पुणेरी पाटी

वर्धा: आदिवासी आश्रमशाळेत मुलींचा विनयभंग?

थाटामाटात लग्न केल्यावर परिणीती चोप्रा पोहोचली सासरी, गळ्यातील हटके मंगळसूत्राने वेधलं लक्ष

शिक्षकी पेशाला काळीमा! अमरावतीतील नामांकित शाळेतील शिक्षकाकडून विद्यार्थिनीचा विनयभंग; गुन्हा दाखल

जयवंत पाटील (५४) असे लाचखोर उपनिरीक्षकाचे नाव आहे. धुळे जिल्ह्यातील अंचाळे येथील तक्रारदारांवर व त्यांच्या नातेवाइकावर पारोळा येथील पोलीस ठाण्यात गुन्हा दाखल करण्यात आला आहे. गुन्ह्यात यातील तकारदार व त्यांच्या नातेवाइकांना अटक न करण्यासाठी, तसेच न्यायालयात दोषारोपपत्र लवकरात लवकर पाठविण्यासाठी तक्रारदारांकडे ३० हजारांची मागणी करून, २० हजार रुपये घेतले होते.

हेही वाचा… नाशिक शहरात माफक दरात शाडू मूर्ती उपलब्ध करण्याची तयारी; महापालिका विभागीय कार्यालयात मूर्तीकारांना मोफत जागा

उर्वरित १० हजार रुपये नंतर घेऊन या, असे सांगितले होते. याबाबतची तक्रार जळगावच्या लाचलुचपत प्रतिबंधक विभागाकडे आल्यानंतर तक्रारीची पडताळणी करण्यात आली. मंगळवारी पंचांसमक्ष १० हजारांची मागणी करून तडजोडअंती आठ हजार रुपये स्वीकारताना उपनिरीक्षक पाटील यास पथकाने रंगेहात पकडले. याप्रकरणी पारोळा येथील पोलीस ठाण्यात गुन्हा दाखल करण्यात आला.