लोकसत्ता वार्ताहर

धुळे : जिल्ह्यातील लोणखेडी येथे झोपडीला अचानक लागलेल्या आगीत चिमुकल्या भाऊ- बहिणीचा होरपळून मृत्यू झाला. रेणू (चार वर्षे) आणि अमोल (सात वर्षे ) नाना पवार अशी दोघांची नावे आहेत.

seven houses were burn in fire due to explosion of gas cylinder
जामनेर तालुक्यातील आगीत सात घरे भस्मसात, गॅस सिलिंडरच्या स्फोटाने गाव हादरलेन
nashik water crisis marathi news,
नाशिक जिल्ह्यात तहानलेल्या गावांच्या संख्येत वाढ, आठवडाभरात ५७ गावे-वाड्यांची भर; धरणसाठा २८ टक्क्यांवर
Villager died in tiger attack
वाघाच्या हल्ल्यात गावकरी ठार, सहा वर्षांत ४२१ जण मृत्युमुखी
Raju Shetty
शेतकरी, कामगारांचा आवाज संसदेत बेधडकपणे मांडण्यासाठी विजयी करा – राजू शेट्टी यांचे आवाहन

नाशिक जिल्ह्यातील सटाणा तालुक्यातील नाना पवार हे त्यांच्या दोन्ही मुलांना लोणखेडी येथे आजीकडे सोडून पत्नीसह ऊस तोडणीसाठी बारामती येथे गेले होते. त्यांचा मुलगा अमोल हा लोणखेडी येथे पहिलीच्या वर्गात तर रेणू अंगणवाडीत शिक्षण घेत होती. रविवारी दुपारी आजी गुरांना पाणी पाजण्यासाठी गेली असताना झोपडीतून धूर येऊ लागला. झोपडी काही मिनिटातच आगीच्या भक्ष्यस्थानी पडली. त्यावेळी रेणू आणि अमोल झोपडीतच होते. झोपडी लोणखेडी गावापासून साधारणपणे एक किलोमीटरवर असल्याने लगेच मदत मिळू शकली नाही.

आणखी वाचा-नाशिकमध्ये संभाजी चौकात पाणी पुरवठा विस्कळीत

मोलमजुरी करून आजी उदरनिर्वाह करत होती. टेकडीवरील झोपडी पेटल्याचे काही ग्रामस्थांच्या लक्षात आल्यावर त्यांनी घटनास्थळाकडे धाव घेतली. परंतु, तोपर्यत उशीर झाला होता. रेणू आणि अमोल यांचा होरपळून मृत्यू झाला होता. दोघांचे मृतदेह ग्रामस्थांनी धुळे येथील रुग्णालयात आणले. घटनेची माहिती मिळाल्यानंतर मृत बालकांचे आई, वडील लोणखेडी येथे पोहचले. आग नेमकी कशामुळे लागली, हे अद्याप कळू शकलेले नाही. धुळे तालुका पोलीस ठाण्यात या घटनेची नोंद झाली आहे.