धुळ्यातील साक्री तालुक्यातील भडगाव बारीत लग्नाचे वऱ्हाड घेऊन जाणाऱ्या बसचा अपघात झाल्याची घटना घडली आहे. या अपघातात एक महिला आणि एका मुलीचा मृत्यू झाला आहे. तसेच २५ वऱ्हाडी जखमी झाले आहेत. चालकाचा ताबा सुटल्यामुळे हा अपघात झाल्याची माहिती मिळाली आहे. हेही वाचा- अमरावती: बेपत्‍ता उच्चशिक्षित युवतीचा पाण्याच्या टाकीत आढळला मृतदेह पोलीस शिपाई मंगेश खैरनार यांनी दिेलेल्या तक्रारीनुसार चिंचवे गावातून साक्री येथे लग्नासाठी शालेय बसमधून वऱ्हाड निघाले होते. भडगाव ते मालेगाव रस्त्यावरील भडगावजवळील बारीत चालकाचे नियंत्रण सुटल्याने बस उलटली. या अपघातात मखमलबाई ह्याळीज (६२, रा.सायना, मालेगाव), मयुरी बोरसे (१२, शिर्डी) या दोघांचा मृत्यू झाला. बसमधील इतर २५ वऱ्हाडी जखमी झाले आहेत. या अपघातासंदर्भात साक्री पोलीस ठाण्यात गुन्हा नोंदविण्यात आला आहे.
