नाशिक – राजगुरुनगरहून नाशिककडे येणाऱ्या राज्य परिवहनच्या बसची पुढे थांबलेल्या दुसऱ्या बसला धडक बसल्यानंतर एक बस पेटल्याने त्यात दुचाकीवरील दोन जणांचा होरपळून मृत्यू झाला. एक युवक जखमी झाला आहे. हा विचित्र अपघात नाशिकजवळील पळसे येथे घडला. या अपघातात राजगुरूनगरहून येणारी बस खाक झाली. बसमधील प्रवासी सुखरूप आहेत. अपघातानंतर महामार्गावर काही काळ वाहतूक कोंडी झाली.

गुरूवारी सकाळी राजगुरुनगर आगारातून नाशिककडे ४३ प्रवासी घेऊन राज्य परिवहन महामंडळाची बस निघाली. पळसेजवळ सिन्नर आगाराच्या बसमधून प्रवासी उतरत असताना राजगुरूनगरच्या बसची मागच्या बाजूने धडक बसली. सिन्नर आगाराची बस थांबून असल्याने तिच्यामागे थांबून असलेल्या दोन दुचाकीस्वारांनाही धडक बसल्याने दोघे दाबले गेले. धडकेनंतर राजगुरूनगरच्या बसने पेट घेतला. बस पेटल्याने परिसरातील नागरिकांनी प्रवाशांना बसच्या काचा फोडून सुखरूप बाहेर काढले. परंतु, दुचाकीवरील दोघांचा या अपघातात मृत्यू झाला. क्षत्रिय नावाचा युवकही जखमी झाला, त्याला सिन्नर येथील खासगी रुग्णालयात दाखल करण्यात आले आहे. पोलिसांसह अग्निशमन दल घटनास्थळी दाखल झाले. अग्निशमनच्या तीन बंबांनी बसला लागलेली आग विझवली.

3 year old girl fall to death into a pothole on highway near titwala
टिटवाळ्याजवळ महामार्गाच्या खड्ड्यात पडून बालिकेचा मृत्यू
ex intel director avtar saini dies in cycle accident
‘इंटेल’च्या माजी अधिकाऱ्याचा सायकल अपघातात मृत्यू ; नवी मुंबईतील पामबिच मार्गावरील दुर्घटना
accident on Ramjhula in Nagpur woman driver crushed two people
नागपुरातील रामझुल्यावर भीषण अपघात, महिला कारचालकाने दोन युवकांना चिरडले
samruddhi expressway accident marathi news, samruddhi expressway latest accident marathi news, samruddhi expressway buldhana accident marathi news
उलटलेल्या वाहनाने घेतला पेट, एकाचा होरपळून मृत्यू, दोघे गंभीर; समृद्धी महामार्गावरील घटना

मदतकार्य सुरू असतांना काही प्रवाशांना बसच्या काचा लागल्याने ते जखमी झाले. अपघातानंतर जिल्हाधिकारी डी. गंगाथरण, पोलीस आयुक्त जयंत नाईकनवरे यांच्यासह अन्य अधिकाऱ्यांनी घटनास्थळी भेट दिली. गर्दीवर नियंत्रण मिळवत अपघातग्रस्त वाहने रस्त्याच्या बाजूला घेऊन वाहतुक सुरळीत करण्यात आली. मयत दुचाकीस्वारांची ओळख पटू शकली नाही. गुन्हा नोंदविण्याचे काम सुरू होते.