नाशिक : सावकाराच्या जाचाला कंटाळून सातपूर येथे एका ३० वर्षांच्या युवकाने आत्महत्या केल्याचे उघड झाले आहे. या प्रकरणी युवकाच्या कुटुंबीयांनी सातपूर पोलीस ठाण्यात संशयिताविरूध्द तक्रार केल्यावर गुन्हा दाखल करण्यात आला आहे. नीलेश सोनवणे असे मृत युवकाचे नाव आहे.

सातपूर परिसरातील अशोकनगरात नीलेश सोनवणे हा कुटुंबीयांसह राहत होता. नीलेशला आर्थिक चणचण भासत असल्याने त्याने खासगी सावकारी करणाऱ्या निखिल भावले याच्याकडून १० हजार रुपयांचे कर्ज घेतले होते. या कर्जाच्या वसुलीसाठी भावले हा सातत्याने तगादा लावत होता. तो शिवीगाळ करीत असल्याने नीलेश तणावात होता. पैसे वसुलीसाठी भावले याने नीलेशची दुचाकी उचलून नेली होती. या साऱ्या प्रकाराने खचलेल्या नीलेशने गळफास घेतल्याचा आरोप सोनवणे कुटुंबीयांनी केला आहे. भावलेविरुद्ध पोलीस ठाण्यात गुन्हा दाखल करण्यात आला आहे.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
personality of jacob rothschild
व्यक्तिवेध : जेकब रोथशील्ड
santhan rajiv gandhi case convict
राजीव गांधी हत्या प्रकरणातील दोषीचा सुटकेनंतर दोन वर्षांनी मृत्यू; आरोपी संथन कोण होता?
Yash Mittal Murder Noida
व्यावसायिकाच्या मुलाची चार मित्रांकडून हत्या; वडिलांकडून मागितली सहा कोटींची खंडणी

बेकायदेशीर सावकारांना पायबंद घालण्यासाठी शासनाने महाराष्ट्र सावकारी (नियमन) अध्यादेश २०१४ हा सुधारित कायदा संपूर्ण राज्यभर लागू केला आहे. या नव्या कायद्याच्या तरतुदीनुसार विनापरवाना सावकारी केल्यास संबंधितांस पाच वर्षांपर्यंत कैद किंवा ५० हजार रुपयांपर्यंत दंड यापैकी एक किंवा दोनही प्रकारच्या शिक्षेची तरतूद आहे.

तसेच परवाना प्राप्त करुन घेताना हेतूपुरस्पर आणि जाणीवपूर्वक दिशाभूल करणारी माहिती अर्जासोबत सादर केल्यास दोन वर्षांपर्यंत कैद किंवा २५ हजार रुपयांपर्यंत दंडाच्या शिक्षेची तरतूद आहे. परंतु, या कायद्याची अद्याप प्रभावीपणे अंमलबजावणी होत नसल्याने सावकारी पेशाचा विळखा सर्वसामान्यांना पडत आहे.