27 May 2020

News Flash

‘मरकज’मधून आलेले ११ जण पनवेलमध्ये; आठ संशयित कस्तुरबा रुग्णालयात

सध्या पोलीस या सर्व प्रवाशांचा शोध घेत आहेत.

संग्रहित छायाचित्र

दिल्ली येथील ‘मरकज’मधून पनवेलमध्ये ११ जण आले असून त्यातील आठ जणांना बुधवारी  पुढील तपासणीसाठी मुंबईच्या कस्तुरबा रुग्णालयात पाठविण्यात आले.

निजामुद्दीन ‘मरकज’मधून आलेले काहीजण पनवेल परिसरातील खारघर, कळंबोली आणि पनवेल शहर परिसरात राहत होते. बुधवारी ११ जणांपैकी आठ जणांचा शोध घेऊन त्यांच्याशी संपर्क साधण्यात आला. आरोग्य विभागाने त्यांची प्राथमिक तपासणी केली. पनवेल शहराचा पत्ता दिलेल्यांपैकी एक जण अन्य जिल्ह्य़ात राहत असल्याने पोलिसांनी तेथील  पोलिसांना  कळविले आहे.

सध्या पोलीस या सर्व प्रवाशांचा शोध घेत आहेत. अद्याप तीन जणांचा शोध घेण्याचे काम पालिका प्रशासन, महसूल आणि पोलीस संयुक्तपणे करत असल्याचे समजते.

घरकुल सोसायटीला सुरक्षा कवच

खारघर येथील घरकुल गृहनिर्माण सोसायटीतील एका इमारतीमधील नागरिकांचे पूर्णपणे विलगीकरण केले असून घरकुल सोसायटी परिसर मंगळवारपासून सुरक्षा यंत्रणेच्या देखरेखीखाली आहे. घरकुल सोसायटीमधील ज्या सोसायटीमध्ये संशयित रुग्ण सापडले तेथे नोटीस देत नागरिकांना सर्तकतेचा इशारा देण्यात आला आहे. फवारणीसह इतर उपाययोजना तातडीने करण्यात आल्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 2, 2020 1:03 am

Web Title: 11 people from merkaj were in panvel abn 97
Next Stories
1 करोना समूह संसर्गाचा नवी मुंबईत धोका
2 मुलीच्या परदेश प्रवासाची माहिती लपवली
3 नवी मुंबईच्या प्रदूषण पातळीत कमालीची घट
Just Now!
X