08 March 2021

News Flash

नवी मुंबई : शहरात आज ३३० नवे करोनाबाधित रुग्ण

आतापर्यंत मृताचा आकडा ३६५ वर

प्रतीकात्मक छायाचित्र

नवी मुंबईत करोना बाधितांच्या संख्येत दररोज मोठी वाढ होत असून मृतांची संख्याही दररोज वाढत आहे. वाढत्या संसर्गामुळे शहरात गुरुवारी ३३० नवे रुग्ण वाढले असून शहरात करोनाबाधितांची एकूण संख्या १२ हजार ५९९ इतकी झाली आहे. शहरात आज  ७ जणांचा करोनामुळे मृत्यू झाला असून करोनामुळे मृत पावलेल्यांची एकूण संख्या ३६५ झाली आहे.  शहरात आतापर्यत तब्बल ८,१३६ रुग्ण करोनामुक्त झाले आहेत. तर ४ हजार ९८ रुग्णांवर उपचार सुरू आहेत. शहरातील करोना प्रादुर्भाव रोखण्याचे मोठे आव्हान पालिकेसमोर असून पालिकेने मिशन ‘ब्रेक द चेन’ ची मोहिम सुरू केली आहे.

दरम्यान, नवी मुंबईत शहरातील करोना प्रादुर्भाव रोखण्यासाठी पालिका प्रशासनाने येत्या काळात शहरातील कृत्रिम श्वसन यंत्रणा (व्हेंटिलेटर) आणि अतिदक्षता खाटांची संख्या वाढविण्याचा निर्णय घेतला आहे. यासाठी अतिदक्षता विभागातील ४०० अतिरीक्त खाटा, १६० कृत्रिम श्वसन यंत्रणा आणि दिवसाला एक हजापर्यंत चाचण्या वाढविण्यात येणार असल्याची माहिती पालिका आयुक्त अभिजीत बांगर यांनी दिली.

सध्या शहरातील रुग्णालयांमध्ये मिळून २४५ अतिदक्षता खाटा ८७ कृत्रिम श्वसन यंत्रणा कार्यान्वित आहेत. यातील ९० टक्के खाटा या भरलेल्या आहेत. त्यामुळे अनेक रुग्णांना एका रुग्णालयातून अन्य ठिकाणी हलविण्याची गरज निर्माण झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 23, 2020 7:35 pm

Web Title: 330 new covid 19 positive patients found in navi mumbai on thursday psd 91
टॅग : Coronavirus
Next Stories
1 ४०० अतिरिक्त खाटा, १६० कृत्रिम श्वसन यंत्रणा
2 मुंबईत रुग्णालय उभारणाऱ्या सिडकोचे नवी मुंबईकडे दुर्लक्ष
3 भेटसत्रांमुळे प्रशासनावर ताण
Just Now!
X