19 January 2021

News Flash

अमूर ससाणाच्या छायाचित्रीकरणावर बंदी

मंगोलियामधून निघालेले हे पक्षी नागालॅण्डमध्ये जास्त वास्तव्य करतात.

(संग्रहित छायाचित्र)

नवी मुंबई : लोणावळा, खोपोलीतील पाणथळ जागी काही काळ विसवलेले अमूर ससाणाच्या छायाचित्रीकरणावर टाटा व वन विभागाने बंदी घातली आहे. मंगोलिया येथून दक्षिण अफ्रिकेपर्यंत निघालेला हा छोटासा पक्षी वीस हजार किलोमीटरचे अंतर तीन ते चार महिने पार करून तो मायदेशी जात असतो. अलीकडे त्याचे काही काळ खोपोली येथील टाटा पॉवर हाऊस परिसरात तसेच लोणावळ्याच्या डोंगराळ भागात दुर्मीळ दर्शन आढळून आल्याने पक्षीप्रेमी व छायाचित्रकारांची एकच गर्दी या भागात उसळली होती. टाटा पॉवरने सुरक्षिततेच्या दृष्टीने तर पुणे वन विभागाने या पक्ष्याच्या संवर्धनासाठी पक्षीप्रेमींना या परिसरात बंदी घातल्याने पक्षीप्रेमींचा हिरमोड झाला आहे.

जगात सर्वाधिक लांबचा प्रवास करणारा शिकारी जातीतील अमूर ससाणा (फाल्कन) गेली तीन वर्षे कोल्हापूरच्या माळरानांवर आढळून आलेला आहे. हा पक्षी टाटा पॉवरच्या खोपोली येथील विद्युत केंद्राजवळील भागात फिरत असल्याची कुणकुण पक्षीप्रेमींना लागल्यानंतर या ठिकाणी त्याची छबी टिपण्यासाठी पक्षी व छायाचित्रकारांची एकच झुंबड उडाली. त्यामुळे सुरक्षिततेच्या कारणास्तव टाटाने दहा दिवसांतच येथील पक्षीप्रेमींना मज्जाव केला तर लोणावळ्यातील डकलेन परिसरात या पक्ष्याचे वास्तव आढळून आल्याने वन विभागाने या पक्ष्याच्या संवर्धन व सुरक्षिततेच्या दृष्टीने वन विभागात छायाचित्रीकरणाला बंदी घातली आहे. मंगोलियामधून निघालेले हे पक्षी नागालॅण्डमध्ये जास्त वास्तव्य करतात. त्या ठिकाणी त्यांच्या संवर्धनासाठी केंद्रीय वनविभागाने विशेष प्रयत्न केले आहेत. तपकिरी रंगाच्या या पक्ष्याच्या आगमनाबरोबरच आता उरण, नवी मुंबई येथील पाणथळीच्या जागी रोहित (प्लेमिंगो ) पक्ष्याचे थवे दिसू लागले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 15, 2021 12:17 am

Web Title: amur falcons spotted navi mumbai ban on photography akp 94
Next Stories
1 प्रकल्पग्रस्तांचे शरद पवारांना साकडे
2 नवी मुंबईत लशींच्या २१,२५० कुप्या दाखल
3 Coronavirus : दहा महिन्यांनंतर ‘शून्य मृत्यू’चा दिवस
Just Now!
X