नवी मुंबई : अधिकृत कंपन्यांचे लेबल चिटकवून बनावट उत्पादनाची विक्री करणाऱ्या एका आरोपीस तुर्भे एमआयडीसी पोलिसांनी अटक केली आहे. त्याच्याकडून २६ लाख ४४ हजार ६८७ किमतीच्या बनावट वस्तू व कच्चा माल जप्त केला आहे. विनोद हिरजी डूबरिया असे अटक आरोपीचे नाव आहे. आरोपी विनोद हा अंधेरी एमआयडीसी भागात राहतो. गामी इंडस्ट्रियल पार्क भूखंड क्रमांक सी ३९ येथील गाळा क्रमाक ६४ पावणे एमआयडीसी येथे ‘गोदरेज हिंदुस्थान, युनिलिव्हर डाबर इडिया, आयसी सोल्युशन डायव्हरसी व इतर विविध कंपनीच्या उत्पादन वस्तू व मालाचे बनावट उत्पादने विकत होता. याबाबत तुर्भे एमआयडीसी पोलिसांना माहिती मिळाली होती. या माहितीच्या आधारावर छापा मारून २६ लाख ४४ हार ६८७चा माल जप्त करण्यात आला आहे, अशी माहिती वरिष्ठ पोलीस निरीक्षक राजेंद्र आव्हाड यांनी दिली आहे.
