News Flash

रेमडेसिविर इंजेक्शनचे पैसे उकळणाऱ्यांना अटक

इंजेक्शनही दिले नाही आणि ८८ हजार रुपये घेऊन फरार झालेल्या त्रिकुटाला पोलिसांनी अटक केली आहे.

पनवेल : रेमडेसिविर इंजेक्शनच्या नावाखाली सामान्यांची लूटमार करणाऱ्यांना पनवेल शहर पोलिसांनी जेरबंद केले आहे. इंजेक्शनही दिले नाही आणि ८८ हजार रुपये घेऊन फरार झालेल्या त्रिकुटाला पोलिसांनी अटक केली आहे.

पुणे येथील व्यक्तीला रेमडेसिविर इंजेक्शनची आवश्यकता असल्याने त्यांनी समाजमाध्यमांवर फिरणाऱ्या संदेशाद्वारे आकाश म्हात्रे याच्याशी संपर्क साधल्यावर त्याने सौरभ बोनकर याचा संपर्क क्रमांक दिला. सौरभने दर निश्चित केल्यानंतर अनिकेत तांडेल याच्याकडे रक्कम जमा करून इंजेक्शन मिळेल असे सांगितले. अनिकेतने इंजेक्शन देण्यासाठी व पैसे घेण्यासाठी पनवेल रेल्वे स्थानकात पीडितांना बोलावले. त्यानंतर लगेच ठिकाण बदली करून बामन डोंगरी रेल्वे स्थानकाबाहेर बोलावून ८८ हजार रुपये स्वीकारले, मात्र इंजेक्शन आणून देतो असे सांगून येथून फरार झाला. पीडितांनी पुन्हा अनिकेतशी संपर्क साधल्यावर त्यांना पोलिसांनी रोकड व इंजेक्शन जप्त केले असून पोलिसांत न जाण्याचा सल्ला दिला. अखेर पीडितांनी पोलिसांकडे धाव घेतल्यावर अनिकेत, आकाश व सौरभ या तिघांना मोबाइल व इतर तांत्रिक तपासाने शोध घेऊन अटक केली. या त्रिकुटाला न्यायालयाने ३ मेपर्यंत पोलीस कोठडी सुनावली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 29, 2021 12:03 am

Web Title: arrested money remedivir injection akp 94
Next Stories
1 ग्रामपंचायत कर्मचाऱ्यांची सुरक्षा उपकरणांची मागणी
2 प्राणवायू गळतीचा धोका टळला
3 पनवेलमध्ये अकरा दिवसांत १२० करोना मृत्यू
Just Now!
X