22 February 2018

News Flash

बँक दरोडा प्रकरण : आरोपींना बोलते करण्यासाठी खेकडय़ांचा वापर

नवी मुंबई पोलिसांनी १० पथके तयार केली आणि सर्व वरिष्ठांनी त्यांचे नेतृत्व केले.

विकास महाडिक, नवी मुंबई | Updated: December 8, 2017 3:14 AM

बँक ऑफ बडोदा दरोडय़ाचा उलगडा हिवाळी अधिवेशनापूर्वी व्हावा यासाठी नवी मुंबई पोलिसांनी अनेक क्लृप्त्या लढवल्याची चर्चा आहे. आरोपींना बोलते करण्यासाठी खेकडय़ांचा वापर करण्यात आल्याचे समजते. उलवा येथून आणलेले जिवंत खेकडे नांग्या काढून आरोपींच्या अंगावर सोडण्यात आले होते. त्यांच्या भीतीने आरोपींनी पोलिसांना माहिती दिल्याचे सांगण्यात येत आहे.

नवी मुंबई पोलिसांनी १० पथके तयार केली आणि सर्व वरिष्ठांनी त्यांचे नेतृत्व केले. दरोडेखोरांनी मागे सोडलेल्या काही पुराव्यांच्या आधारे पोलिसांनी गुन्ह्य़ाची उकल केली. मोठय़ा दरोडय़ात पैशांची वाटणी किंवा आपसातील मतभेदांमुळे उलगडा होत असल्याचा पोलिसांचा पूर्वानुभव आहे. पोलिस आयुक्त हेमंत नगराळे यांनी त्यासाठी स्वंतत्र नियंत्रण कक्ष निर्माण करण्याची परवानगी दिली होती. त्यामुळे एका गुप्त जागेवरून पोलीस दिवस रात्र मागोवा घेत होते. त्यांनी दरोडेखोरांच्या वाहनावर लक्ष ठेवले होते. ते घाटकोपरहून गोव्याच्या दिशेने निघाले असताना पोलिसांनी वाशी टोल नाक्यावर त्यांना अटक केली. त्यानंतर ह्य़ा चोरीचा उलगडा करणे पोलिसांना शक्य झाले.

आरोपींकडे असलेल्या मोबाइल क्रमांकांमुळे इतर चोरांचा माग काढणे पोलिसांना शक्य झाल्याचे समजते. यात एका आरोपीच्या नातेवाईकांकडून सोने कुठे लपवले आहे हे वदवून घेण्यासाठी खेकडे थेरपीचा वापर केल्याचेही कळते. त्यासाठी उलवा येथून जिवंत खेकडे आणून त्यांच्या अंगावर सोडण्यात आले होते. त्याचप्रमाणे एका आरोपीला कुटुंबाला अटक करणार असल्याचे पोलिसांनी सांगितल्यानंतर त्याने सर्व सांगण्याची तयारी दर्शवली. त्याच्या मागणीनुसार त्याला मद्यप्राशन व बिर्याणी देखील आणून देण्यात आल्याचे सांगितले जाते. त्याने सांगितलेली हकीगत दुसऱ्या आरोपींनी सांगितलेल्या घटनाक्रमाशी जुळवूनच पोलिसांनी त्याच्या माहितीवर विश्वास ठेवला. ही संपूर्ण टोळी सराईत गुन्हेगार असून त्यांच्या नावावर विविध पोलिस ठाण्यात ३०-४० गुन्हे दाखल असल्याचे समजते. पोलिस या टोळीवर मोक्का लावण्याच्या तयारीत आहेत. या गुन्ह्य़ातील केवळ ५० टक्के ऐवज जप्त करण्यात आला आहे.

यातील आणखी चार आरोपींचा शोध पोलीस घेत आहेत. त्यांनाही एक किलो सोने देण्यात आल्याने त्यांचा माग काढणे महत्त्वाचे ठरणार आहे.

First Published on December 8, 2017 3:14 am

Web Title: bank of baroda robbery case navi mumbai police
  1. L
    lokapure c
    Dec 8, 2017 at 2:02 pm
    पोलिसांचे अभिनंदन. गोपनीयता ना बाळगल्या बद्दल लोकसत्ता पत्रकार व संपादक ह्यांच्या अंगावर खेकडे सोडले पाहिजे ( नांग्या ना काढता ).
    Reply
    1. Nitin Deolekar
      Dec 8, 2017 at 10:50 am
      आता आदिवासी बांधव म्हणून स-माज-वाडी भारतातील तमाम सेक्युलर-सैतानांना त्यांचा पुळका येईल!! खेकड्याच्या नांग्या कोणी कापल्या म्हणून कुणी रंभा-मेनका त्रिखंडत तांडव-नृत्य करतील?? पण भारतात अजून साधा समान नागरी कायदा नाय त्याची सेक्युलर-सैतानां लाज-लज्जा नाय?? पुढील ७० वर्षे महान?बुद्ध आंबेडकर यांचा हिंदू नागरी कायदा उलट करण्याची नितांत निकड आहे!! अल्प-संख्य आदिवासी बंधूना १-पत्नी कायदा करा चीनचा कुटुंब कायदा लावा: १-कुटुंब-१-मुलं, त्यातूनच त्यांची खरी प्रगती होईल !! चिनी सारखी, भरभराट होईल!!
      Reply
      1. शैलेश
        Dec 8, 2017 at 10:04 am
        पत्रकाराने काही गोष्टी गोपनीय राहतील याची दक्षता घेतली पाहिजे. तपासाचा भाग अशा पद्धतीनं उघड करणे योग्य आहे कि नाही इतपत अक्कल पण पत्रकार आणि लोकसत्ताकारण नाही याचे वाईट वाटते. आणि सरकारने असा काही कायदा करायचे ठरवले कि लगेच बॉम्ब मारायला मोकळे पण स्वतः किती तारतम्यानाई बातमी द्यावी याची अक्कल नाही .
        Reply
        1. Siddharth Ghule
          Dec 8, 2017 at 9:56 am
          पोलिसांचे अभिनंदन
          Reply
          1. R
            rambhau patwardhan
            Dec 8, 2017 at 9:37 am
            चिटणीस, वेडे आहेत का डोळे झाक करत आहेत ? गुन्हेगार तो गुन्हेगारच .. आर्थिक गुन्ह्यांसाठी असा नीचपणा ? असा जर पोलीस करत राहिले तर काय फरक राहिला त्यांच्यात आणि गुन्हेगारांमध्ये ? गुन्हा केला तरइ ती माणसे आहेत हे लक्षात ठेवा. आणि तुम्हाला जर समाजात हे दाखवायचे असेल कि तुम्ही गुन्हेगारांपेक्षा चांगले आहेत तर तुमच्यात आणि त्यांच्यात सामान्य जनतेला फरक करता आलाच पाहिजे. हे तर खाकी वर्दी मधले गुंडच आहेत ह्यात शंकाच नाही.
            Reply
            1. Kamalakaant Chitnis
              Dec 8, 2017 at 8:09 am
              पोलिसांच्या या गुन्ह्याच्या उकलीसाठी घेतलेल्या परिश्रमांचे व कृल्पत्यांचे कौतुक केले पाहिजे. या डोकेबाज गुन्ह्याचा तपास अवघड होता. त्यासाठी तितक्याच डोकेबाजपणे योजलेल्या कृल्पत्या,उ. खेकडे सोडणे इ. या जरी उसन्या व उचलेल्या असल्या तरी नक्कीच कल्पक आहेत. त्यांस कोर्टे कशी प्रतिक्रिया देतात हे पाहणे उत्सुकतेचे ठरेल. क्रूर कृत्ये करणारे गुन्हेगार विकृत व दुहेरी व्यक्तिमत्वाचे असतील तर बहुशः खुनासारखे गुन्हे करतात, अशा गुन्ह्याचा तपास अवघड खरा पण डल्ला मारणारे शर्लिवक मुडदे न पडता युक्त्या व कृल्पत्या यांचा उपयोग करून संघटितपणे व संभावितपणे वावरून गुन्हे माग न सोडल्यामुळे पुराव्याअभावी गुन्हे पचवण्यात यशस्वी होतात, असे गुन्हे शोधणे पोलिसांना कठीण पडते. अर्थात गुन्हे केल्यावर ते पचवणे हे काम वाटण्यांवरून फूट पडल्याने बहुशः उघडकीस येतात हे इथेही घडले आहेच. गुन्ह्याचा मुख्य धागा पकडण्यासाठी जंग जंग पछाडावे लागतात कारण मुख्य आरोपी नामानिराळे राहण्यासाठी स्वतःभोवती कोष गुंफण्यात तरबेज असतात. इथेच पोलिसांची कसोटी लागते. पोलीस या कसोटीस उतरण्याच्या मार्गावर आहेत हे निश्चित कौतुकास्पद आहे.
              Reply
              1. Load More Comments