07 July 2020

News Flash

नवी मुंबईतील करोनाबाधितांनी ओलांडला सहा हजारांचा टप्पा

आज १५० नव्या रुग्णांची भर, सात जणांचा मृत्यू

संग्रहीत छायाचित्र

राज्यात करोनाचा प्रादुर्भाव दिवसेंदिवस अधिकच वाढत आहे. मुंबई, पुण्यासह अन्य शहरांमध्येही करोनाबाधितांच्या संख्येत झपाट्याने वाढ होत आहे. आज नवी मुंबईत १५० नवे करोना रुग्ण वाढले आहेत. तर सात जणांचा करोनामुळे मृत्यू झाला आहे.

नवी  मुंबईत  करोनाबाधितांच्या संख्येत दररोज मोठी वाढ होत असून, मृतांची संख्याही दररोज वाढत आहेत.आज  शहरात १५० नवे रुग्ण वाढले असून, शहरात करोनाबाधितांची  एकूण संख्या ६ हजार ३ झाली आहे. शहरात आज  ७ जणांचा करोनामुळे मृत्यू झाला असून, करोनामुळे मृत पावलेल्यांची एकूण संख्या २०१ झाली आहे. शहरात करोनामुक्त होण्याचा दर चांगला  असून, शहरात आतापर्यंत ६ हजार ३ रुग्णांपैकी तब्बल ३ हजार ४०५ रुग्ण करोनामुक्त झाले आहेत.

काल शहरात २२४ नवे रुग्ण वाढले होते. तर, ५ जणांचा करोनामुळे मृत्यू झाला होता. पालिका प्रशासनाने नवी मुंबईमधील १० कंटेनमेंट  झोन सोमवारी २९ जूनपासून ५ जुलैपर्यंत प्रतिबंधित करण्याचा निर्णय घेण्यात आला आहे. त्यामुळे या ८ दिवसात अत्यावश्यक सेवा वगळता निश्चित करण्यात आलेल्या कंटेनमेंट  झोनमध्ये टाळेबंदी घोषित करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 27, 2020 6:41 pm

Web Title: corona patients in navi mumbai crossed the 6000 mark msr 87
टॅग Coronavirus
Next Stories
1 नवी मुंबईत आज २२४ नवे करोनाबाधित, पाच रुग्णांचा मृत्यू
2 मोठी बातमी! नवी मुंबईत कडक लॉकडाउन जाहीर
3 पालिका आयुक्त मिसाळ यांच्या बदलीला स्थगिती
Just Now!
X