नवी मुंबई: देशभरात लसीचा तुटवडा असून नवी मुंबई शहरातील नागरिकांचे लसीकरण लवकरात लवकर पूर्ण करण्यासाठी पालिका स्वत: ४ लाख लस खरेदी करणार आहे. त्यासाठी पालिकेने जागतिक निविदा काढली असून ही निविदा रविवारी प्रसिद्ध होणार आहे. या निविदेसाठी ७ दिवसांची मुदत देण्यात आली असल्याची माहिती पालिका प्रशासनाने दिली आहे. नवी मुंबई पालिका क्षेत्रात २ लाख ५१ हजार ३५५ नागरिकांचे लसीकरण झालेले असून सध्या लशींचा पुरवठा कमी प्रमाणात होत असल्याने अडथळे निर्माण होत आहेत.
