27 November 2020

News Flash

९२९ किलो चांदी जप्त

नवी मुंबईत पथकर नाक्यावर कारवाई

प्रातिनिधिक फोटो (फोटो सौजन्य: फ्लिकर्स डॉट कॉम)

कोल्हापूर आणि सातारा येथे वाहतूक केली जात असलेली ९२९ किलो चांदी नवी मुंबई पोलिसांनी वाशी पथकर नाक्यावर गुरुवारी रात्री जप्त केली. या चांदीची आंतरराष्ट्रीय बाजारातील किंमत सहा कोटी १७ लाख ७७ हजार रुपये इतकी आहे. एका वाहनातून चांदी आणि चांदीच्या वस्तुंची वाहतूक केली जात होती. या प्रकरणी वस्तू आणि सेवाकर विभागामार्फत तपास करीत आहे.

मुंबईतून चांदीची बेकायदा पद्धतीने वाहतूक केली जात असल्याची माहिती परिमंडळ-१चे उपायुक्त सुरेश मेंगडे यांना मिळाली होती. त्यानुसार वाशी पथकर नाक्यावर नाकाबंदी करण्यात आली होती.  या वेळी केलेल्या कारवाईत  चांदीच्या वस्तू ताब्यात घेण्यात आली.

‘एक्स्प्रेस कुरियर’ यांच्यामार्फत ही चांदी पुणे, कोल्हापूर येथील काही व्यापाऱ्यांना देण्यात येणार होती. जीएसटी भरण्यात आला नव्हता. कर चुकवेगिरी करून चांदीची वाहतूक सुरू होती. संशय येऊ नये म्हणून कुरियरच्या माध्यमातून हा प्रकार सुरू होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 24, 2020 12:07 am

Web Title: navi mumbai 929 kg silver seized abn 97
Next Stories
1 निविदांमागून निविदा
2 सिडकोची सहा हजार घरे विक्रीविना शिल्लक
3 कारागृह अधिकारी असल्याची बतावणी करीत फसवणूक
Just Now!
X