01 June 2020

News Flash

नवी मुंबई : एका दिवसात ८२ रुग्णांची वाढ; करोनाबाधितांची एकूण संख्या पोहोचली ६७४वर

शहरात काही दिवस रुग्ण वाढण्याची शक्यता - महापालिका आयुक्त

नवी मुंबईत करोनाबाधितांच्या संख्येत झपाट्याने वाढ होत असून रविवारी एकाच दिवसात आतापर्यंतचे सर्वाधिक ८२ करोनाबाधित आढळून आले. त्यामुळे शहरात करोनाबाधितांची एकूण संख्या ६७४वर पोहोचली. तर दोन जणांचा करोनामुळे मृत्यू झाला. यामुळे मृतांची एकूण संख्या १४ वर पोहोचली. मृतांमध्ये कोपरखैरणे येथे राहणारा व कृषी उत्पन्न बाजारपेठेतील व्यापाऱ्याकडून विविध ठिकाणी टेंम्पोने कांदा बटाटा पोहचवणाऱ्या व्यक्तीचा समावेश असून दुसरा मृत्यू सीवूड्स येथील डॉक्टर पत्नीचा झाला आहे.

आज शहरातील तुर्भे -२०, बेलापूर- ३, नेरुळ – ७, वाशी – २१, कोपरखैरणे – १४, घणसोली – ५, ऐरोली – ८, दिघा येथे ४ अशा ८२ रुग्णांची वाढ झाली आहे. शहरातील सर्वात मोठा करोनाचा हॉटस्पॉट कृषी उत्पन्न बाजार समिती ठरली. आज कृषी उत्पन्न बाजार समितीशी संबंधित दुसरा मृत्यू झाला. तो कांदा बटाटा विक्रेता व्यापाऱ्याशी संबंधित आहे.

शहरात काही दिवस रुग्ण वाढण्याची शक्यता – महापालिका आयुक्त

नवी मुंबई शहरातील करोना संशयितांना पनवेल येथील इंडिया बुलमध्ये क्वारंन्टाइन करण्यात आलं आहे. तेथील संशयितांनी सुविधांअभावी प्रशासनाविरोधात राग व्यक्त केला होता. त्याबाबत भेट घेऊन त्यांचे मनोधैर्य वाढवण्याचा प्रयत्न केला असून शरहरात रविवारी एका दिवसांत सर्वोच्च ८२ रुग्ण सापडले. अजून काही दिवस रुग्ण वाढत जातील परंतू, त्यानंतर मात्र ही संख्या कमी होईल. प्रशासन सर्वोतोपरी प्रयत्न करत असून रुग्ण वाढलेल्या एपीएमसीचे पूर्ण निर्जंतुकीकरणाचे काम सोमवारपासून करण्यात येणार आहे, असे पालिका आयुक्त अण्णासाहेब मिसाळ यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 10, 2020 9:49 pm

Web Title: navi mumbai an increase of 82 patients in one day the total number of victims reached 674 aau 85
टॅग Coronavirus
Next Stories
1 संशयित रुग्णांचा विलगीकरण कक्षात ठिय्या
2 लॉकडाउनमुळं नातेवाईक अंत्यसंस्काराला येऊ शकले नाहीत; पोलिसांनीच पार पाडले सोपस्कार
3 मोठी बातमी! एपीएमसी मार्केट एका आठवड्यासाठी पूर्पणणे बंद ठेवण्याचा निर्णय
Just Now!
X