24 October 2020

News Flash

तुर्भेप्रमाणे लवकरच शहरभर समूह तपासणी

पालिकेने शहरात १२ प्रतिबंधित क्षेत्रे जाहीर केली आहेत. यातील तीन विभाग तुर्भे नोडमध्ये येतात

तुर्भेमध्ये निर्जंतुकीकरण करण्यात येत आहे. (छायाचित्र : नरेंद्र वास्कर)

नवी मुंबई : तुर्भे नोडमधील करोना प्रसार रोखण्यासाठी सध्या घरोघरी जाऊन समूह तपासणी केली जात आहे. या पद्धतीचा  करोनाग्रस्त रुग्ण शोधण्यात उपयोग  होत आहे.  तुर्भे स्टोअर भागात करोनावर नियंत्रण मिळविण्यात यश आले आहे. त्यामुळे पालिकेने हीच पद्धत शहरातील प्रतिबंधित भागांत राबविण्याचा निर्णय पालिकेने घेतला आहे.

पालिकेने शहरात १२ प्रतिबंधित क्षेत्रे जाहीर केली आहेत. यातील तीन विभाग तुर्भे नोडमध्ये येतात. या प्रतिबंधित  भागात सात दिवस कठोर टाळेबंदी जाहीर करण्यात आली आहे. या कालावधीत तुर्भे नोडमध्ये समूह तपासणी केली जात आहे.

तुर्भे विभाग हा नवी मुंबईतील  सर्वाधिक क्षेत्रफळ असलेला भाग आहे. शहरातील सर्वात मोठी झोपडपट्टी आणि एपीएमसी बाजार समितीचे आवारही याच भागात आहे. त्यामुळे या भागात करोनाचा प्रसार वेगाने झाला.  मंगळवारी तुर्भे स्टोर, सेक्टर-२१ आणि २२  या परिसरात समूह तपासणी करण्यात आली.

पालिकेच्या वतीने केल्या जात असलेल्या तपासणीला नागरिकांचा अल्प प्रतिसाद मिळत होता. त्यामुळे पालिकेच्या आरोग्य विभागाचे कर्मचारी घरोघरी जाऊन नागरिकांची तपासणी करीत असल्याचे पालिका आयुक्त अण्णासाहेब मिसाळ यांनी सांगितले.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 1, 2020 3:50 am

Web Title: navi mumbai municipal health department staff go door to door to check the citizens zws 70
Next Stories
1 करोनाविरोधातील लढय़ाला खासगी साथ
2 समूह तपासणी मोहीम फलदायी?
3 नवी मुंबई पालिका आरोग्य विभागाची फेररचना करणार
Just Now!
X