13 July 2020

News Flash

किरकोळ बाजारात कांदा ८० रुपयांवर

दिवाळीत पडलेल्या पावसाने कांद्याच्या किमतीत वाढ झाली आहे.

(संग्रहित छायाचित्र)

वाशीतील एपीएमसी बाजारात गणेशोत्सवानंतर वधारलेल्या कांद्याच्या किमती दिवसेंदिवस वाढत असून मागील महिन्यात घाऊक बाजारात प्रतिकिलो ४५-५० रुपयांवर उपलब्ध असलेला कांदा आता ६० ते ६४ रुपयांवर वधारला आहे. तर किरकोळ बाजारात कांद्याने ८० रुपयांवर झेप घेतली आहे.

दिवाळीत पडलेल्या पावसाने कांद्याच्या किमतीत वाढ झाली आहे. दिवाळीनंतर बाजारामध्ये नवीन कांदा दाखविण्यास सुरुवात होते, मात्र पावसामुळे नवीन कांद्याचे उत्पादन लांबणीवर गेले आहे.   बाजारात नवीन कांदा दाखल होण्यास विलंब होणार असून डिसेंबपर्यंत दरात तेजी राहणार असल्याची शक्यता वर्तविण्यात येत आहे.

बाजारात सातत्याने कांद्याच्या दारात होणारी वाढ यामुळे ग्राहकांची कांदा जुना कांदा साठवणुकीकडे कल वाढत आहे. एपीएमसी घाऊक बाजारात १५० हून अधिक गाडय़ा आवक झाली आहे. यामध्ये ६० गाडय़ा नवीन कांदा दाखल होत असून त्यापैकी अवघा ५% नवीन कांदा चांगला निघत आहे. शेतकरीदेखील कांद्याला चांगला भाव मिळत असल्याने परिपक्व होत नसल्याने आधीच तोडणी केली जात आहे. त्यामुळे नवीन कांदे बाजारात १५-३० रुपयांनी विकले जात असल्याची माहिती व्यापाऱ्यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 12, 2019 1:51 am

Web Title: onion in retail at rs 80 abn 97
Next Stories
1 प्रियकरासह महिलेचा आत्महत्येचा प्रयत्न, मुलीचा मृत्यू
2 वाहनांच्या बेशिस्तीमुळे कोपरखरणेत कोंडी
3 नवी मुंबईची हवा ‘अत्यंत वाईट’ स्तरावर
Just Now!
X