30 October 2020

News Flash

लाच स्वीकारताना पोलिसाला अटक

रोहित बंडगर असे कारवाई झालेल्या पोलीस उपनिरीक्षकाचे नाव आहे

संग्रहित छायाचित्र

नवी मुंबई : फसवणूकप्रकरणी कारवाई टाळण्यासाठी दीड लाख रुपयांची लाच मागणाऱ्या एका पोलीस उपनिरीक्षकाला  लाचलुचपत प्रतिबंधक विभागाच्या पथकाने (एसीबी) मुद्देमालासह अटक केली. यात अन्य एक जण जाळ्यात अडकला.

रोहित बंडगर असे कारवाई झालेल्या पोलीस उपनिरीक्षकाचे नाव आहे, तर या प्रकरणात नितीन जोशी यालाही पोलिसांनी ताब्यात घेतले आहे.

रोहित बंडगर हा कामोठे पोलीस ठाण्यात सेवेत आहे. याच भागातील एका फिर्यादीविरोधात फसवणुकीचा गुन्हा दाखल झाला होता. चौकशीअंती त्याच्यावर कारवाई करण्यात येणार होती. मात्र त्याआधी या प्रकरणातून सुटका करण्यासाठी फिर्यादीने बंडगर याला दीड लाख रुपयांची लाच देण्याची तयारी दर्शवली. याबाबत ठाणे लाच प्रतिबंधक विभागाकडे तक्रार करण्यात आली होती. त्यानुसार मंगळवारी कामोठे येथे एका ठिकाणी ५० हजार रुपयांचा पहिला हप्ता घेण्यासाठी बंडगरने फिर्यादीला बोलावले होते. हप्त्याचे पैसे स्वीकारताना रोहितला अटक केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 20, 2020 2:51 am

Web Title: police arrested while accepting bribe zws 70
Next Stories
1 गणेशोत्सव काळात भाजीस्वस्ताईचे संकेत
2 पनवेलमध्ये खासगी रुग्णालयांची झाडाझडती
3 ‘शीव-पनवेल’ची धूळधाण अटळ?
Just Now!
X