14 August 2020

News Flash

नवी मुंबई : तळोजा वसाहतीसमोरील ६० कोटी रुपये खर्चुन बांधलेला भुयारी मार्ग पाण्याखाली

मागील वर्षी हा भुयारी मार्ग खुला करण्यात आला होता.

नवी मुंबई : तळोजा वसाहतीसमोर नव्याने बांधण्यात आलेला रेल्वे लाईनखालून जाणारा मार्ग पावसामुळे पाण्याखाली गेला आहे. यामुळे या मार्गावरील वाहतूक पूर्णपणे ठप्प झाली आहे.

नवी मुंबईतील तळोजा वसाहतीमधील रेल्वे क्रोसिंग खालून वाहनांची येजा करण्यासाठी ६० कोटी रुपये खर्च करुन बांधलेला भुयारीमार्ग मागील दोन दिवसांच्या सततच्या पावसामुळे पाण्याखाली गेला आहे. त्यामुळे वाहनचालक आणि नागरिकांची येजा करण्यासाठी गैरसोय होत आहे. मागील वर्षी हा भुयारी मार्ग खुला करण्यात आला होता.

या मार्गामुळे इथला वाहतूक कोंडीचा प्रश्न सुटला होता. पनवेलमध्ये विविध मार्गांवर बांधण्यात आलेले भुयारी मार्ग अशापद्धतीने पाण्याखाली गेल्याने निकामी झाले आहेत. पावसात पाणी साचणे आणि त्यात डासांची उत्पत्ती होऊन आणखीनच नवी समस्या निर्माण होत आहे.

खारघर, कामोठे, नावडे, एमजीएम कामोठे व आता नव्याने तळोजा वसाहत येथे असे हे भुयारीमार्ग पाण्यांखाली गेले आहेत. खाडी क्षेत्रात मातीचा भराव घालून सिडको मंडळाने वसाहती वसविल्याने येथे भुयारी मार्गाचा पर्याय निकामी ठरण्याचा अनुभव गाठीशी असतानाही सिडको व रेल्वे प्रशासनाने तळोजा वसाहतीसमोरील हा भुयारी मार्ग बांधला.

हा भुयारी मार्ग पाण्याखाली गेल्याने सध्या तळोजा वसाहतीमधील वाहनचालक पेणधर येथील दिवा-पनवेल लोहमार्ग ओलांडून येजा करीत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 6, 2020 8:43 am

Web Title: underground road constructed at a cost of rs 60 crore in front of taloja colony now under water aau 85
टॅग Monsoon
Next Stories
1 नवी मुंबई : शहरात करोनाचे २५७ नवे रुग्ण, सात जणांचा मृत्यू
2 तीन ते तेरा टाळेबंदी!
3 मुंबईतील रुग्णांचा नवी मुंबईत भरणा
Just Now!
X