20 October 2019

News Flash

भाज्यांना उन्हाच्या झळा

मागणीच्या तुलनेत पुरवठा कमी होत असल्याने दर उन्हाळ्यात भाज्यांचे दर वाढतात.

(संग्रहित छायाचित्र)

वाशी बाजारात आवक घटल्याने ४० टक्के भाववाढ

नवी मुंबई : उन्हाळ्यात भाज्यांचे उत्पादन कमी प्रमाणात होत असल्यामुळे वाशी येथील कृषी उत्पन्न बाजारातील भाज्यांची आवक घटली आहे. त्यामुळे जवळपास सर्वच भाज्यांचे भाव ४० टक्क्यांनी वधारले आहेत. मागणीच्या तुलनेत पुरवठा कमी होत असल्याने दर उन्हाळ्यात भाज्यांचे दर वाढतात. उन्हाळा संपेपर्यंत ही दरवाढ कायम राहील, असे घाऊक बाजारातील व्यापाऱ्यांचे म्हणणे आहे.

एपीएमसी बाजारात रोज ५०० ते ५५० गाडय़ा भाज्यांची आवक होते. सध्या बाजारात ४५० ते ५०० गाडय़ा दाखल होत आहेत. टोमॅटो वगळता इतर सर्वच भाज्यांची भाववाढ झाली आहे. दुधी, फरसबी, वाटाणा, शिमला मिरची, गावर ,भेंडी या भाज्यांच्या दरात मोठी वाढ झाली आहे. घाऊक बाजारात ४० रुपयांना उपलब्ध असलेल्या भेंडी, गवार या भाज्या ५० रुपयांवर पोहोचल्या आहेत, तर फरसबी ५० ते ६० रुपये, वाटाणा ४८ ते ५० रुपये, दुधी २२-२४ रुपये, काकडी २२ रुपये, हरवी मिरची ३६ ते ४०रुपये, फ्लावर २० ते २२ रुपये, शिमला मिरची ४० ते ४४ रुपयांवर पोहोचली आहे.

किरकोळीत फरसबी वगळता अन्य भाज्यांचे भाव सध्या स्थिर आहेत. मात्र, घाऊकमधील भाववाढीची झळ लवकरच सर्वसामान्य ग्राहकांनाही बसण्याची भीती व्यक्त होत आहे.

पालेभाज्याही महाग

कोथिंबीर, मेथी, पालक यांचेदेखील भाव वाढले आहेत. कोथिंबिरीची एक जुडी १०-१५ रुपयांवरून २० रुपयांवर गेली आहे. १० रुपयांना उपलब्ध असलेली मेथी १५-२० रुपयांवर पोहोचली आहे. पालक १० ते १८ रुपयांना उपलब्ध आहे.

एपीएमसी बाजारात भाज्यांची आवक कमी होत असल्याने ४० टक्के दरवाढ झाली आहे. उन्हाळा संपेपर्यंत भाज्यांची दरवाढ होत राहील.

– कैलास तांजणे, अध्यक्ष, घाऊक भाजीपाला व्यापारी महासंघ

किरकोळ बाजारातील भाव

भेंडी                                   ६० ते ८०

गवार                                       ८०

फरसबी                                  १२०

काकडी                               ४० ते ५०

वाटाणा                                       ८०

टोमॅटो                                         ४०

शिमला मिरची                       ८० ते ९०

हिरवी मिरची                         ६० ते ८०

फ्लॉवर                                   ४० ते ६०

कोबी                                              ४०

दुधी                                               ६०

वांगी                                              ४०

कोथिंबीर (जुडी)                            ५०

मेथी (जुडी)                                   २०

पालक (जुडी)                                १५

(भाव रु./ किलो)

First Published on April 23, 2019 1:17 am

Web Title: vegetable cost increase by 40 percent in vashi market