कळंबोली वसाहतीमध्ये गुरुवारपासून मतदार नोंदणीचा सप्ताह सुरू होत आहे. ४ तारखेपर्यंत हा सप्ताह सुरू राहणार आहे. सेक्टर १ येथील भारतगॅस नाका येथे शिवसेनेचे उपविभागप्रमुख सूर्यकांत म्हसकर यांनी हा उपक्रम राबविला आहे. मतदार नोंदणीसाठी जन्मतारखेचा पुरावा (पॅनकार्ड, आधारकार्ड, जन्म दाखला) शिधापत्रिका, खोली भाडय़ाची असल्यास भाडेकरारनामा, विजेचे बिल हे कागदपत्र घेऊन उपस्थित राहावे. सकाळी दहा ते सायंकाळी पाच वाजेपर्यंत हे शिबीर सुरू राहील. अधिक माहितीसाठी संपर्क - ९३२४६६९२६०.