हार्बर मार्गावरील मानसरोवर रेल्वे स्थानकाच्या शेजारी पार्कींग करण्यात आलेल्या ४२ हून अधिक दुचाकींना आग लागल्याची घटना घडली आहे आगीचे प्रमाण एवढे भीषण होते की पार्कींगमधील ४२ दुचाकींनी एकामागे एक पेट घेतला. यामध्ये काही दुचाकी अर्धवट जळालेल्या अवस्थेत सापडल्या. हेही वाचा- खारघर वसाहतीच्या चतु:सीमेपर्यंत दारुबंदीचा निर्णय; पनवेल पालिका आयुक्तांचा मोठा निर्णय या आगेची माहिती मिळाल्यानंतर सिडको महामंडळाच्या अग्निशमन दलाच्या जवानांनी घटनास्थळी पोचून आग विजवण्याचा प्रयत्न केला. मात्र आगीचे लोट झपाट्याने पसरत होते. तरीही अग्निशमन दलाच्या जवानांमुळे सुमारे १० वाहने आगीच्या भक्ष्यस्थानी जाण्यापासून वाचली. नेमकी ही आग कोणी लावली की लागली याबाबत पोलीस व अग्नीशमन यंत्रणेचे अधिकारी तपास करीत आहेत.
