५१ टक्के लाभार्थीना लसकवच ; ५,७३,७९९ नागरिकांना दोन्ही मात्रा

शहरात पालिकेने मोठय़ा प्रमाणात लसीकरण करण्यासाठी जवळजवळ १२० लसीकरण केंद्रांचे नियोजन केले आहे.

प्रतिनिधिक छायाचित्र

नवी मुंबई : गेली काही दिवस शहरात लसीकरणाला गती मिळाली असून ११ लाख ७ हजार पात्र लाभार्थीपैकी ११ लाखांपेक्षा अधिक जणांना पहिली मात्रा, तर दोन्ही लसमात्रा घेतलेल्यांची संख्या ५.७३ लाखांच्या पुढे गेली आहे. पुढील काही दिवसात नवी मुंबईकरांना पहिल्या मात्रेचे लस कवच पूर्ण होणार आहे.

लस तुटवडय़ाअभावी शहरात लसीकरण मोहीम विस्कळीत झाली होती. पालिकेने एका दिवशी १०४ लस केंद्रावर लस दिल्याने मोठय़ा प्रमाणात शहरात लसीकरण होत आहे, परंतु तरीदेखील लसमात्रांच्या तुटवडा सुरूच आहे. पालिकेला ५ दिवसांनंतर लस मिळत आहे. शहरात पालिकेने मोठय़ा प्रमाणात लसीकरण करण्यासाठी जवळजवळ १२० लसीकरण केंद्रांचे नियोजन केले आहे. शहरात लस घेण्यास पात्र असलेल्या ११ लाख ७ हजार नागरिकांपैकी ९९ टक्क्य़ांपेक्षा जास्त नागरिकांना पहिल्या लसमात्रेचे सुरक्षा कवच प्राप्त झाले असून ५ लाख ७३ हजारांपेक्षा अधिक नागरिकांना दोन्ही मात्रा मिळाल्या आहेत.

तिसऱ्या लाटेपूर्वी किमान एक मात्रा देण्याचे पालिकेचे नियोजन आहे. पुढील एक-दोन दिवसांत हे लक्ष्य पूर्ण होणार असा विश्वास पालिका आयुक्त अभिजीत बांगर यांनी व्यक्त केला आहे.

लसीकरण

११,०७,०००           लसपात्र नागरीक

११,०५,२९६ (९९.५४ %) पहिली मात्रा

५,७३,७९९ (५१.८४ %    )दोन्ही मात्रा

१६,७९,०९५           एकूण लसमात्रा

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नवी मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 51percent residents in navi mumbai get double dose of vaccine zws