scorecardresearch

Premium

कथित पत्रकाराच्या विरोधात खंडणीचा गुन्हा दाखल… आणि हे गुडलक काय आहे? वाचा नेमके काय प्रकरण आहे… 

एकनाथ अडसूळ असे यातील आरोपीचे नाव आहे.

case registered against person demanded extortion Goodluck vashi navi mumbai
कथित पत्रकाराच्या विरोधात खंडणीचा गुन्हा दाखल… आणि हे गुडलक काय आहे ? वाचा नेमके काय प्रकरण आहे… (छायाचित्र- लोकसत्ता ग्राफिक्स टीम)

नवी मुंबई: जुगार खेळतात असा आरोप करून गुडलकच्या नावाखाली खंडणी मागणाऱ्या व्यक्ती विरोधात वाशी पोलीस ठाण्यात गुन्हा नोंद करण्यात आला आहे. कुठल्याही पोलीस अधिकाऱ्याकडे तक्रार केली तरी काहीही होणार नाही अशी धमकीही त्याने दिली होती. 

एकनाथ अडसूळ असे यातील आरोपीचे नाव आहे. यातील फिर्यादी आणि त्यांचे काही मित्र जुगार खेळतात असा आरोप आरोपीने केला. याबाबत बातमी छापण्याची धमकी त्याने फिर्यादी यांना दिली. बदनामी होईल या भीतीने बातमी न छापण्याची विनंती केल्यावर आरोपीने ५० हजार खंडणी आणि महिना ५ हजार रुपये द्यावे लागतील अशी धमकी दिली.

Rahul Narvekar and Ulhas Bapat
“क्षुल्लक निर्णय घ्यायला…”, १६ आमदार अपात्रतेप्रकरणी घटनातज्ज्ञ उल्हास बापटांची थेट राहुल नार्वेकरांवर टीका
maharashtra government over obc issue
मराठा आरक्षण आणि ओबीसी प्रश्नावरून सरकार कात्रीत
singham ajay devgan
“सिंघमसारखे चित्रपट घातक संदेश देतात”, मुंबई उच्च न्यायालयाच्या न्यायाधीशांचं मत
live in Relationship, allegation Rape Delhi High Court observation
‘लिव्ह इन’ आणि बलात्काराच्या गुन्ह्याची गुंतागुंत!

हेही वाचा… ठाणे, नवी मुंबईत नव्या पोलीस ठाण्यांच्या निर्मितीला वेग; जागेसाठी हालचाली सुरू

तडजोड केल्यावर ५० हजार खंडणी ऐवजी २० हजार खंडणी देण्याची तयारी आरोपीने दर्शवली. त्यातील दहा हजार रुपये फिर्यादी यांनी ऑन लाईन आरोपीला पाठवले. मात्र हे वारंवार होणार असे लक्षात आल्याने फिर्यादी यांनी या बाबत वाशी पोलिसांकडे तक्रार दाखल केली. दोघांचे फोन वरील संभाषण आणि ऑन लाईन दिलेले पैसे तसेच अन्य काही घटना पाहता पोलिसांनी फिर्यादीने दिलेल्या तक्रारीची शहानिशा करीत आरोपी विरोधात गुन्हा नोंद केला. 

गुडलक काय आहे?

गुन्हेगारी क्षेत्रात अनेक सांकेतिक शब्दांचा वापर केला जातो. त्यातील अनेक शब्दांचे अर्थ आता सर्वसामान्यांनाही कळत आहेत. पेटी म्हणजे लाख रुपये तर खोका म्हणजे एक कोटी हे सर्वांना ज्ञात झाले आहे. तसेच खंडणी मागताना गुडलक या शब्दाचा वापर केला जात असल्याचे अनेक गुन्ह्यात निदर्शनास आले आहे. या गुन्ह्यात आरोपीने खंडणी मागताना गुडलक या शब्दाचा उपयोग केला आहे. अशी माहिती एका पोलीस कर्मचाऱ्याने दिली. 

Latest Comment
View All Comments
Post Comment

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A case has been registered against a person who demanded extortion in the name of goodluck in vashi navi mumbai dvr

First published on: 04-09-2023 at 12:17 IST

संबंधित बातम्या

मराठी कथा ×