नवी मुंबई : वाहन चोरी करून अन्य प्रांतात विकणाऱ्या चौघांना अटक करण्यात आली असून त्यांच्याकडून ७ वाहने जप्त करण्यात आली आहेत. जप्त करण्यात आलेली सर्व वाहने महागडी आहेत. यात आणखी वाहन चोरीचे प्रकार उघडकीस येण्याची शक्यता आहे. विशेष म्हणजे लक्झुरियस वाहनांमध्ये असलेली सुरक्षा प्रणालीवर मात करून ही वाहने चोरी झाल्याने आश्चर्य व्यक्त होत आहे. चोरीच्या वाहनांत फॉच्र्युनर, झायलो आदी कारचा समावेश आहे. वाहन चोरीप्रकरणी एकाला अटक केली असता त्याच्याकडून मिळालेल्या माहितीच्या आधारे अन्य तिघांना अटक करण्यात आली आहे.
