उरणच्या गणेशोत्सवावर तिसऱ्या डोळ्याची नजर

गणेशोत्सवानिमित्त उरण तालुका व शहरात कायदा आणि सुव्यवस्था राहावी तसेच या कालावधीत कोणताही अनुचित प्रकार घडू नये

गणेशोत्सवानिमित्त उरण तालुका व शहरात कायदा आणि सुव्यवस्था राहावी तसेच या कालावधीत कोणताही अनुचित प्रकार घडू नये याकरिता पोलीस सज्ज झाले आहेत. त्यासाठी उरण शहरातील मुख्य ठिकाणी तसेच तालुक्यातील मोक्याच्या जागी सीसीटीव्ही बसविण्यात आले आहेत. तसेच पोलीस बंदोबस्तातही वाढ करण्यात आली आहे.
सप्टेंबर व ऑक्टोबर या दोन महिन्यांत गणेशोत्सव, नवरात्रोत्सव, दसरा व दिवाळी आदी सण साजरे केले जाणार आहेत. या कालावधीत मोठय़ा प्रमाणात गर्दी होत असते. त्याच वेळी काही समाजकंटक या गर्दीचा फायदा घेण्याचा प्रयत्न करतात. वाढती लोकसंख्या व पोलिसांचे कमी असलेले प्रमाण यामुळे सर्वत्र लक्ष ठेवणे पोलीस यंत्रणेला शक्य होत नाही. त्यासाठीच उरण शहरातील महत्त्वाचे नाके, रस्ते, परिसरात सीसीटीव्ही बसविण्यात आले आहेत. त्याचप्रमाणे उरण तालुक्याच्या हद्दीत प्रवेश होत असलेल्या ठिकाणीही पोलिसांनी सीसीटीव्हीची व्यवस्था केली आहे. सध्या असलेल्या कॅमेऱ्यांमध्ये वाढ करण्यात येणार असल्याची माहिती उरण पोलीस ठाण्याचे वरिष्ठ पोलीस निरीक्षक राजेंद्र गलांडे यांनी दिली आहे. याकरिता उरणच्या व्यापारी संघटना सहकार्य करीत आहे. सध्या उरण हे मुंबईपासून जलमार्गाने जवळ असल्याने तालुक्यातील जलमार्गावरही पोलिसांनी कडक सुरक्षा ठेवली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नवी मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Cctv arrangement for ganesh utsav