नवी मुंबई : वाशी येथील कृषी उत्पन्न फळ बाजारात आता देवगड हापूसबरोबर कर्नाटक हापूस दाखल होण्यास सुरुवात झाली आहे. गेल्या दोन दिवसांपासून बाजारात कर्नाटक हापूसच्या २ ते ३ गाडय़ा दाखल होत आहेत.
यंदा कर्नाटक हापूसला पावसाचा फटका बसला असून आंबा उशिराने बाजारात दाखल होण्यास सुरुवात झाली आहे. देवगड, रत्नागिरीतील हापूस हा अवीट गोडीकरिता प्रसिद्ध असल्याने ग्राहक त्या हापूसला खास पसंती देत असतात. मात्र, यंदा तेथील हापूस आवकही कमी आहे. गुढीपाडव्यानंतर एपीएमसी बाजारात मोठय़ा प्रमाणात हापूस दाखल होण्यास सुरुवात होते.
दरवर्षी एप्रिलमध्ये एपीएमसी बाजारात देवगड हापूसच्या ८४-८५ हजार पेटय़ा दाखल होत असतात. मागील वर्षी ४०-४५ हजार पेटय़ा आवक झाली होती. यंदा अगदीच हापूसने २२ हजार पेटय़ांपर्यंत मजल मारली आहे. कर्नाटक हापूसची ८-१० गाडय़ा आवक होत असे. मात्र या वर्षी दिवसाला २-३ गाडय़ा दाखल होत आहेत. कर्नाटक हापूस रत्नागिरी, देवगड हापूससारखा दिसायला असला तरी चवीला मात्र कमी गोड असतो. एपीएमसी बाजारात सध्या हापूसची आवक कमी असून १० एप्रिलनंतर बाजारात आवक वाढेल. तसेच यंदा हापूसची मोठय़ा प्रमाणात आवक ही १० एप्रिल ते १० मे दरम्यानच राहील असे मत घाऊक व्यापारी संजय पिंपळे यांनी व्यक्त केले आहे. सध्या बाजारात हापूसला ५-६ डझन पेटीला ३ हजार ते ५ हजार तर कर्नाटक हापूसला प्रतिकिलोला १७०-२००रुपये बाजारभाव आहे.

thane, traffic route changes marathi news, namo central park marathi news
नमो सेंट्रल पार्क परिसरात मोठे वाहतूक बदल; शनिवार, रविवार या दिवशीच लागू असणार बदल, वाहतूक कोंडी टाळण्यासाठी उपाययोजना
pimpri police commissioner office marathi news, pimpri police commissioner office latest news in marathi
पिंपरी : अखेर पाच वर्षांनी पोलीस आयुक्तालयाला मिळाली हक्काची जागा, ‘या’ ठिकाणी होणार आयुक्तालय
mhada Lottery
छत्रपती संभाजीनगरातील ९४१ सदनिका, ३६१ भूखंडांची सोडत जाहीर, अर्ज विक्री-स्वीकृतीला सुरुवात
Fire at Ichalkaranji Loom Factory
इचलकरंजीत यंत्रमाग कारखान्यास आग; १ कोटींचे नुकसान